37 A Zeezi lebg n waame n mik tɩ b gõeeme, t’a yeel a Pɩyɛɛr yaa: “Sɩmo, fo gõeeme la? Fo pa tõog n gũ lɛɛr a yembr la?+ 38 Bɩ y gũudẽ la y pʋʋsd wakat fãa, n da wa kẽ makr pʋgẽ ye.+ Sɩda, sũurã ratame,* la yĩngã ka pãng ye.”+ 39 A le kẽngame n tɩ pʋʋse, n kos bũmb ning a sẽn da kosã.+ 40 La a le lebg n waame, n mik tɩ b gõeeme. Bala gõeemã ra tar-b-la wʋsgo, hal tɩ b ra pa mi b sẽn na n leok-a tɩ bũmb ning ye. 41 A lebg n waa naoor a tãab-n-soab n yeel-b yaa: “Wakat a woto sasa la yãmb gõe n vʋʋsdẽ? Sekame! Wakat taame!+ Ade! B na n yõka Ninsaal biigã n ning yel-wẽn-maandbã nusẽ. 42 Yik-y tɩ d looge. Ges-y-yã! Sẽn na n zãmb-a maamã kolgame.”+

45 A sẽn wa n pʋʋs n sa, a yik n leba karen-biisã nengẽ n mik tɩ b gõeeme, b sũyã sẽn da sãam wʋsgã yĩnga.+