6 La b sẽn wa n maand a Erood rogem daar tẽegr kibsa,+ a Erodiyaad bi-puglã saoo nebã taoor tɩ yɩ a Erood noog wʋsgo,+ 7 t’a wẽen t’a na n kõ-a-la bũmb ning fãa a sẽn na n kose. 8 La a ma wã sagl-a lame t’a tɩ yeel yaa: “Bɩ y sagl a Zãmbatiis zugã laag pʋgẽ n wa kõ maam.”+ 9 Baa rĩmã sũur sẽn sãamã, a wẽenegã yĩnga, n paas neb nins sẽn da zĩ ne-a n dɩtẽ wã yĩnga, a kõo noor tɩ b kɩs bi-puglã a sẽn kosã. 10 Rĩmã tʋmame tɩ b tɩ fiuug a Zã zugã bãensã roogẽ. 11 B sagla a zugã laag pʋgẽ n wa kõ bi-puglã, t’a reeg n tɩ kõ a ma wã. 12 Rẽ poore, a Zã karen-biisã wa n dɩka a kũumã n tɩ mumi, la b kẽng n tɩ togs a Zeezi.