21 Wakat kãng tɛka, a Zeezi sɩngame n wilgd a karen-biisã tɩ yẽ segd n kẽnga Zerizalɛm, n tɩ nams wʋsg kãsem-dãmbã ne maan-kʋʋdbã taoor dãmb la gʋlsdbã nusẽ, la tɩ b na n kʋ-a lame, tɩ rasem a tãab-n-soabã daar bɩ a vʋʋge.+

22 Bãmb sẽn wa n tigim taab Galile, a Zeezi yeela a karen-biisã yaa: “B na n zãmba Ninsaal biigã n ning-a nebã nusẽ,+ 23 la b na n kʋ-a lame tɩ rasem a tãab-n-soabã daar bɩ a vʋʋge.”+ La rẽ sãama karen-biisã sũy wʋsgo.

31 Sẽn paase, a sɩngame n wilgd-b tɩ Ninsaal biigã segd n paama namsg wʋsgo, tɩ kãsem-dãmbã ne maan-kʋʋdbã taoor dãmb la gʋlsdbã na n zãgs-a lame, tɩ b na n kʋ-a lame,+ la tɩ rasem a tãab-n-soabã daare, a na n vʋʋgame.+

44 “Kelg-y neere, la y ra yĩm gom-kãensã ye. Bala b na n zãmba Ninsaal biigã, n ning-a nebã nusẽ.”+ 45 La b ra pa wʋmd a Zeezi sẽn yetã võor ye. Sɩd me, a ra solga ne bãmba, sẽn na yɩl tɩ b ra wʋm a võorã ye. La b ra yɛɛsdame n pa rat n sok a Zeezi bũmb gom-kãng wɛɛngẽ ye.