4 Rẽ poore, vʋʋsem sõngã talla a Zeezi n kẽng we-raoogẽ, sẽn na yɩl tɩ Sʋɩtãanã*+ mak-a.+ 2 A sẽn loe noor wĩndg la yʋng rasem pis-naas poore, kom yõk-a lame. 3 La Makdã+ kolgame n yeel-a yaa: “Fo sã n yaa Wẽnnaam biiga, bɩ f yeel kug-kãensã tɩ b lebg buri.” 4 La a leokame yaa: “B gʋlsame: ‘Ninsaal pa tog n vɩ ne rɩɩb bal ye. A tog n vɩɩ ne gomd ning fãa sẽn yit a Zeova* noorẽ wã.’”+

12 Rẽ poor bala, vʋʋsem sõngã kɩtame t’a Zeezi kẽng we-raoogẽ wã. 13 Dẽ, a paa we-raoogẽ wã rasem pis-naase, t’a Sʋɩtãan makd-a.+ A ra bee be ne we-rũmsã, la malɛgsã ra geta a yelle.+