55 La pagb wʋsg n da be be, n yas yɩɩg n getẽ. Bãmb pʋga a Zeezi hal Galile n da get a yelle.+ 56 A Maari sẽn yit Magdala wã, n paas a Zak ne a Zozɛs* ma a Maari, la a Zebede kom-dibli wã ma ra bee bãmb sʋka.+

40 La pagb me n da yas yɩɩg n getẽ. A Maari sẽn yit Magdala wã, a Zak-bil ne a Zozɛs* ma a Maari, n paas a Salome ra bee bãmb sʋka.+ 41 B ra minim n yãagda a Zeezi n get a yell+ a sẽn wa n be Galile wã. Sẽn paase, pagb a taab sẽn da tũ-a n wa Zerizalɛm me n da be be.

2 Sẽn paase, pagb kẽer zĩn-dãmb sẽn da tar t’a Zeezi rig zĩn-dãmbã, la a taab a sẽn sãoog b bãas n da be ne-a: Yaa a Maari b sẽn da boond me tɩ Magdala pagã, soab ning a Zeezi sẽn dig zĩn-dãmb a yopoe tɩ b yi n basã, 3 a Zan+ sẽn yaa a Erood zakã yel-gɛt a Kuuza pagã, n paas a Suzan la pagb a taab sẽn da yãkd b paoong n sõngd a Zeezi ne a karen-biisã.+