14 A sẽn yi koom-koglgã pʋgẽ wã, a yãa kʋʋng sẽn yaa kãsenga. La nebã nimbãaneg yõk-a lame,+ t’a sãoog bãad-rãmb+ nins sẽn da be b sʋkã. 15 La zĩigã sẽn wa n dat n sobge, a karen-biisã kolg-a lame n yeele: “Zĩ-kãngã yaa weoogo, tɩ zĩigã kolg sobgr me. Bɩ y bas kʋʋngã tɩ b looge, sẽn na yɩl tɩ b tõog n kẽng tẽn-bõonesẽ wã n tɩ ra rɩɩbo.”+ 16 La a Zeezi leok-b lame yaa: “Pa tɩlɛ tɩ b loog ye. Bɩ yãmb mensã bao bũmb n kõ-b tɩ b rɩ.” 17 Bãmb yeela a Zeezi yaa: “Tõnd pa tar bũmb ka n zʋʋg bur a nu la zĩm a yiib ye.”

35 La zĩigã sẽn wa n dat n sobge, a karen-biisã kolg-a lame n yeele: “Zĩ-kãngã yaa weoogo, tɩ zĩigã kolg sobgr me.+ 36 Bɩ y bas nebã tɩ b looge, sẽn na yɩl tɩ b kẽng pʋtã* la tẽn-bõones nins sẽn pẽ ka wã pʋsẽ n tɩ ra rɩɩbo.”+ 37 La a leok-b lame yaa: “Bɩ yãmb mensã bao bũmb n kõ-b tɩ b rɩ.” Rẽ la b sok a Zeezi yaa: “Tõnd segd n tɩ raa bur deniye* kobs-yi n kõ nebã tɩ b wãb bɩ?”+ 38 Yẽ yeela karen-biisã yaa: “Yãmb tara bur a wãna? Tɩ ges-y-yã!” Bãmb sẽn tɩ gese, b wa n yeelame: “Bur a nu, n paas zĩm a yiibu.”+

12 La wĩndgã wa n dat n kẽeme. Rẽ la Piig la a yiibã kolg n yeel-a yaa: “Bɩ y bas kʋʋngã tɩ b looge, sẽn na yɩl tɩ b kẽng pʋtã* la tẽn-bõones nins sẽn pẽ ka wã pʋsẽ n tɩ bao gãag zĩis la rɩɩbo. Bala zĩ-kãngã yaa weoogo.”+ 13 La a Zeezi leok-b lame yaa: “Bɩ yãmb mensã bao bũmb n kõ-b tɩ b rɩ.”+ Tɩ b yeele: “Tõnd pa tar bũmb ka n zʋʋg bur a nu, la zĩm a yiib ye. Sã n pa tõnd mensã n na n tɩ ra rɩɩb n kõ nin-kãensã fãa.”