2 A Abrahaam yeela a tʋm-tʋmdã, sẽn yaa-a kãseng n yɩɩd a zakã pʋgẽ wã, soab ning sẽn get a bũmb fãa yellã+ yaa: “M bõos tɩ f ning f nugã m gerã tẽngre, 3 tɩ mam na n kɩtame tɩ fo wẽen ne a Zeova sẽn yaa saasã la tẽngã Wẽnnaamã, tɩ f pa na n bao pag Kanaã nebã kom-pugli wã sʋk n kõ m biigã, rat n yeel tɩ neb nins sʋk mam sẽn be wã ye.+

3 Yãmb pa segd n maan kaool ne-b kãadmã wɛɛngẽ ye.* Da rɩk-y y kom-pugli n kõ b kom-dibli, wall y rɩk b kom-pugli n kõ y kom-dibli ye.+ 4 Bala bãmb na n kɩtame tɩ y kom-dibli wã wa bas Wẽnnaam n tũ wẽnnaam-dãmb a taaba.+ Dẽ, a Zeova sũurã na n puuga wʋsg ne yãmba, t’a menes-y tao-tao.+

25 Dẽ, mam zab-b lame la m kãab-b wẽnga. Mam pãba rap kẽere,+ la m gʋs b zoobdã, n yeel-b yaa: “Wẽen-y ne Wẽnnaam tɩ yãmb pa na n dɩk y kom-pugli wã n kõ b kom-dibli wã, la tɩ y pa na n deeg b kom-pugli wã n kõ y kom-dibli wã, wall n maan y mens pagb ye.+ 26 Pa bãmb n kɩt tɩ Israyɛll rĩm a Salomo beegã sɩda? Buud ka tɛkã sʋka, rĩm da ka be sẽn yaa wa yẽ ye.+ Sẽn paase, a Wẽnnaamã ra nong-a lame,+ hal n kɩt t’a lebg Israyɛll tõrã rĩma. La bu-zẽmsã pagb kɩtame tɩ baa yẽ meng beege.+

14 Da bao-y lagem-n-taar* sẽn pa zems ne sẽn pa-b tẽedbã ye.+ Bala bõe zems-n-taar n be tɩrlem ne tʋʋm-wẽns sʋka?+ Wall bõe lageng n be vẽenem ne lik sʋka?+