26 Bala neb nins sẽn be Masedoan ne Akayi wã kõo kũun ne sũ-noogo, naong rãmb nins sẽn be nin-sõamyã wã sʋk Zerizalɛmmã yĩnga.+ 27 Yaa sɩd tɩ b maana rẽ ne sũ-noogo, la sɩd-sɩda, b ra tara nin-sõamyã wã samde. Bala bu-zẽmsã sã n paama pʋɩɩr bũmb nins nin-sõamyã wã sẽn deeg Wẽnnaam nengẽ wã pʋgẽ, bãmb me segd n sõng-b-la ne b paoongã.+

14 La yaa sẽn na yɩl tɩ yãmb sẽn paam tɩ sek n kell masã wã lek bãmb sãoogã, tɩ bãmb sẽn paam tɩ sek n kellã me wa lek yãmb sãoogã, tɩ zeng-taab zĩndi.