• Sõdbo 14:22, 23
    Gʋls-sõamyã, Dũni-paalgã lebgre

    • 22 Baa ne rẽ, neb nins sẽn yã mam ziirã ne m yel-soalmã+ mam sẽn maan Ezɩpt soolmẽ wã la we-raoogẽ wã, n baas n mak maam+ naoor wʋsgo,* la b pa kelg mam koɛɛgã+ 23 pa na n tol n yã soolem ning mam sẽn da wẽen tɩ m na n kõo b yaab-rãmbã ye. Nin-kãensã sẽn paoogd maamã baa a yembr pa na n yã-a ye.+

  • Yɩɩn-sõamyã 95:7-11
    Gʋls-sõamyã, Dũni-paalgã lebgre

    •  7 Bala a yaa tõnd Wẽnnaam,

      tɩ tõnd yaa yẽ nin-buiidu.

      A geta tõnd yell* wa piis+ sẽn be a rũms wãbneg zĩigẽ.

      Rũndã, yãmb sã n wʋm mam koɛɛgã,+

       8 bɩ y ra riglim y sũyã wa y yaab-rãmbã sẽn diglim b sũyã Meriba* wã,+

      wa b sẽn maan to-to we-raoogẽ wã, b sẽn wa n be Masa* wã,+

       9 wakat ning b sẽn mak maamã ye.+

      Baa b sẽn yã mam tʋʋmã, b baas n maka maam.+

      10 Yʋʋm pis-naas pʋgẽ, mam yamã yii zãmaan-kãng nebã, tɩ m yeele:

      “B yaa neb sũy sẽn lakd n basd maam wakat fãa.

      B pa bãng mam soayã ye.”

      11 Woto wã, mam wẽena m sũ-puugrã pʋgẽ n yeel yaa:

      “B pa na n kẽ mam vʋʋsgã pʋgẽ ye.”+