25 Wẽnnaam rɩka a Zeezi n kõ t’a yɩ maoongo,*+ sẽn na yɩl tɩ neb nins sẽn na n tẽ a Zeezi zɩɩmã+ tõe n lebg Wẽnnaam zo-rãmba. Wẽnnaam maana rẽ n na n wilg a meng tɩrlmã. Bala a sũ-marã* yĩnga, a ra kõta neb nins sẽn da maan yel-wẽn pĩnd wẽndẽ wã sugri.

15 Ad gomd sẽn yaa sɩda, la sẽn zems tɩ d sak n deeg ne d sũy fãa: Kirist Zeezi waa dũniyã zug n na n fãag yel-wẽn-maandbã.+ Nin-kãens sʋkã, maam la yel-wẽn-maand n yɩɩda.+

17 Woto wã, ra yaa tɩlɛ t’a lebg wa a “ba-biisã” bũmb fãa pʋgẽ,+ n tõog n lebg maan-kʋʋdb kãsem sẽn tʋmd Wẽnnaam tʋʋmã ne nimbãan-zoeer la ne sakre, sẽn na yɩl n kõ a vɩɩmã tɩ yɩ maoong+ ninsaalbã yel-wẽnã yĩnga,+ la a kɩt tɩ b tõe n maneg b yell ne Wẽnnaam.*

24 Yẽ mengã zɩɩ tõnd yel-wẽnã+ a yĩngã pʋgẽ ra-lukã* zugu,+ sẽn na yɩl tɩ d ki yel-wẽnã wɛɛngẽ, la d vɩɩmd tɩrlem yĩnga. “A sãmpoagã maasem yĩnga, y paama laafɩ.”+

10 Nonglem-kãng pa tõnd sẽn nong Wẽnnaam ye. La yaa a sẽn nong tõndo, n tʋm a Bi-riblã t’a wa yɩ maoong tõnd yel-wẽnã yĩnga,+ maoong sẽn kɩt tɩ d tõe n maneg d yell ne Wẽnnaam.*+