Yɩɩn-sõamyã sebre
A Azaf yɩɩlle.+
79 Mam Wẽnnaam, bu-zẽmsã reega yãmb pʋɩɩrã n yãmbe.+
B rẽgma yãmb ro-sõngã.+
B kɩtame tɩ Zerizalɛm lebg raboogo.+
2 B kõo yãmb tʋm-tʋmdbã kũ-rãmb tɩ yɩ bõn-yɩgdɩ wã sẽn yɩgd yĩngrã rɩɩbo.
B kõo sẽn maand-b sɩd ne yãmbã yĩn-nemsã tɩ yɩ tẽngã we-rũmsã rɩɩbo.+
3 B raaga b zɩɩmã wa koom Zerizalɛm tõrã.
B pa bas ned baa a ye sẽn na n mum-b ye.+
4 Tõnd paamda yãnd d yagsã taoore.+
Neb nins sẽn gũbg tõndã laada tõnd la b paoogd tõndo.
5 Zeova, yãmb sũ-yikrã na n kaoosame n ta dabʋre? Na n kaoosa wakat fãa yĩng bɩ?+
Yãmb sũ-puugrã na n dɩɩ wa bugum n ta dabʋre?+
6 Kiig-y yãmb sũ-puugrã buud nins sẽn pa mi yãmbã zutu,
la soolem nins sẽn pa pʋʋsd ne yãmb yʋʋrã zutu.+
7 Bala b sãama a Zakoob yagensã,
la b kɩt tɩ b ba-yirã lebg raboogo.+
8 Ra ning-y tõnd taal d yaab-rãmbã beegr yĩng ye.+
Zoe-y tõnd nimbãaneg tao-tao,+
bala tõnd pãngã saa zãnga.
9 Mam Wẽnnaam sẽn yaa tõnd fãagda, sõng-y tõnd+
yãmb yʋʋrã sẽn tar ziirã yĩnga.
Fãag-y tõnd la y kõ tõnd d yel-wẽnã sugr* yãmb yʋʋrã yĩnga.+
10 Bõe yĩng tɩ bu-zẽmsã na n sokdẽ: “Bãmb Wẽnnaamã bee yɛ?”+
Kɩt-y tɩ bu-zẽmsã bãng tõnd nifẽ,
tɩ yãmb roka y tʋm-tʋmdbã b sẽn daag b zɩɩmã sũuri.+
11 Bɩ y wʋm sẽn be-a bãens roogẽ wã sirã.+
Tall-y yãmb pãn-kãsengã* n kogl neb nins b sẽn kao bʋʋd n yeel tɩ b segda ne kũumã.*+