Yɩɩn-sõamyã sebre
Yɩɩlã taoor soab yĩnga. A Davɩɩd yɩɩlle.
20 Bɩ a Zeova leok foo yel-pakr wakate.
Bɩ a Zakoob Wẽnnaamã yʋʋr kogl foo.+
3 Bɩ a tẽeg f kũun toor-toorã fãa yelle.
Bɩ f maoong sẽn yõogd bugmã ta a yam t’a reege. (Sela)
4 Bɩ a kõ foom bũmb nins f sũurã sẽn datã.+
Bɩ a kɩt tɩ f magbã fãa yãk nenga.
5 Tõnd na n kɩdma sũ-noogo, fo sẽn fãag tõndã yĩnga.+
Tõnd na n zẽka d tãb-kaoã d Wẽnnaamã yʋʋr yĩnga.+
Bɩ a Zeova reeg f kosgã fãa.
6 Masã, mam bãnga vẽeneg t’a Zeova fãagda a sẽn yãk* a soabã.+
A paada a saasã sẽn yaa sõngẽ wã n leok a pʋʋsgo,
n fãag-a ne a nug-rɩtgã sẽn tar pãngã.+
8 B pãs n lʋɩɩme,
la tõnd yẽ yikame n le paam pãnga.+
9 Zeova, fãag-y rĩmã!+
Wẽnnaam* na n leoka tõnd daar ning d sẽn na n bool n kos sõngrã.+