Yɩɩn-sõamyã sebre

9 Zeova, mam na n pẽga yãmb ne m sũurã fãa.

Mam na n goma yãmb tʋʋm-kãsemsã fãa yelle.+

 2 Mam na n maana sũ-noogo, la m kɩdme.*

Sẽn-ka-to, mam na n yɩɩlame n pẽg yãmb yʋʋrã.+

 3 Mam bɛɛbã sã n wa tard n lebd poorẽ,+

b na n tɩ lak n lʋɩɩ yãmb taoor n sãame.

 4 Bala yãmb sõngda maam sẽn na yɩl tɩ m paam bʋʋm.

Yãmb zĩi y geerã zug n kaood bʋʋdã ne tɩrlem.+

 5 Yãmb ninga buud toɛy-toɛyã neb taale,+ la y sãam nin-wẽnsã,

n yẽesd b yʋyã wakat sẽn kõn sa yĩnga.

 6 B sãama bɛɛbã wakat fãa yĩnga.

Yãmb sãama b tẽnsã.

B pa na n tol n le tẽeg b yell ye.+

 7 La a Zeova zĩi a geerã zug zãmaan woo zãmaana.+

A lugla a geerã kãn-kãe tɩrlmã yĩnga.+

 8 A na n kaoo dũniyã* nebã bʋʋd ne tɩrlem.+

A na n kaoo buud toɛy-toɛyã neb bʋʋd wa sẽn zems sẽn yaa tɩrga.+

 9 A Zeova na n lebga neb nins sẽn namsdã soondg zĩig meng-menga,+

soondg zĩig meng-meng yel-pakr wakate.+

10 Neb nins sẽn mi yãmb yʋʋrã na n teega yãmba.+

Zeova, yãmb pa na n tol n bas sẽn baood-b yãmbã ye.+

11 Yãmb a neb nins sẽn be Siyõ wã, yɩɩl-y n pẽg-y-yã a Zeova.

Kɩt-y tɩ buud toɛy-toɛyã neb bãng a tʋʋm-kãsemsã.+

12 Bala Soab ning sẽn dokd b sũurã* tẽra b yelle.+

A pa na n yĩm sẽn namsd-bã kelemsã ye.+

13 Zeova, zoe-y mam nimbãanega. Ges-y sẽn kis-b maamã sẽn namsd-m to-to wã,

yãmb sẽn yaa Soab ning sẽn zẽkd maam n yiisd kũum rignoyẽ wã,+

14 sẽn na yɩl tɩ m tõog n moon yãmb tʋʋmã sẽn sek pẽgrã Siyõ bi-puglã rignoyẽ wã,+

la m maan sũ-noog y sẽn fãag-mã yĩnga.+

15 Buud toɛy-toɛyã neb lʋɩɩ bok ning b sẽn tu wã pʋgẽ.

Bẽdg ning b sẽn solgã yõka b naoã.+

17 Nin-wẽnsã na n tardame n teesd Yaoogẽ* wã,

rat n yeel tɩ buud nins fãa sẽn yĩmd Wẽnnaam yellã.

18 La b pa na n yĩm naong rãmbã yell wakat fãa yĩng ye.+

Sik-m-mens rãmbã saagr me ka na n pa n pa pids ye.+

20 Zeova, kẽes-y-b rabeem.+

Bɩ buud toɛy-toɛyã neb bãng tɩ b yaa ninsaalb sẽn yaa kiidb bala. (Sela)