Yɩɩn-sõamyã sebre
Yɩɩlle. A Davɩɩd yɩɩlle.
108 Mam Wẽnnaam, m sũur keemame.
Mam na n yɩɩlame n pẽg yãmb ne yʋʋm-teed ne m sũur fãa.*+
2 Mam yʋʋm-teoog sẽn tar rissi, neke. M pɛndga,+ fo-me neke.
Mam na n neka zĩ-yẽegrã.
3 Zeova, mam na n pẽga yãmb buud toɛy-toɛyã sʋka.
Mam na n yɩɩl n pẽga yãmb bu-zẽmsã sʋka.
4 Bala yãmb maan-neerã yaa kãsenga, n zẽk n ta saasã.+
Yãmb kɩs-sɩdã zẽkame n ta sa-gãnã.
5 Mam Wẽnnaam, bɩ y pẽgrã zẽk n yɩɩg saasã.
Bɩ yãmb ziirã zĩnd tẽngã gill zugu.+
6 Bɩ y fãag tõnd ne y nug-rɩtgã, la y leok maam,+
sẽn na yɩl tɩ yãmb sẽn nong b rãmbã paam fãagre.
7 Wẽnnaam goma a sõmblmã* pʋgẽ n yeele:
8 Galaad+ yaa maam n so, wa Manase sẽn yaa maam n so wã.
Efrayim yaa mam kut pugla.+
Zida yaa mam naam dasaare.+
9 Mowaab yaa mam la-pok m sẽn tar n sood koom.+
Mam na n lobga m neoodrã Edom zugu.+
Mam na n kɩdma sũ-noog m sẽn tõog Filisti nebã yĩnga.”+
10 Ãnda n na n tall maam n kẽng tẽng ning sẽn gũbg lalsã pʋgẽ?
Ãnda n na n tall maam n kẽng hal Edom?+
11 Mam Wẽnnaam, pa yãmb a soab ning sẽn daag tõnd n basã,
tõnd Wẽnnaamã sẽn pa le yãagd tõnd tãb-biisã zabrẽ wã sɩda?+