29 B sã n dems ned naoor wʋsg t’a kell n diglim a sũuri,+
b na n wa tiig n sãam-a lame tɩ tɩɩm kae ye.+
2 Nin-tɩrsã sã n yaa wʋsgo, nebã kɩdemda sũ-noogo,
la nin-wẽng sã n dɩt naam, nebã wẽeda siri.+
3 Sẽn nong-a yam kɩtdame t’a ba sũur noome,+
la sẽn tũud-a pʋg-yoaadb sãamda a paoongo.+
4 Yaa ne tɩrlem maasem la rĩm wat ne bãan soolem pʋgẽ,+
la ned ning sẽn baood noor-madgr wata ne soolem wãabo.
5 Ned ning sẽn belgd a to
rɩgenda bẽdg a naoã yĩnga.+
6 Nin-wẽng beegr bẽt-a lame,+
la nin-tɩrg kaasda ne sũ-noog la a kɩdemdẽ.+
7 Nin-tɩrg tagsda naong rãmbã sẽn segd ne bũmb ninsã yelle,+
la nin-wẽng toog kae ne rẽ ye.+
8 Wuk-m-mens rãmbã kɩtdame tɩ tẽng gudgi,+
la sẽn tar-b yamã sigsda sũ-puugri.+
9 Yam soab sã n wẽed no-koɛɛm ne yalma,
na n yɩɩ bʋrg la yaalgo, la pa na n yãk neng ye.+
10 Sẽn nong-b zɩɩm daagrã kisa ned ning fãa sẽn pa tar taale.+
B baood n na n yãka nin-tɩrsã yõya.
11 Yalem sũur sã n yiki, a yiisda sẽn be a sũurẽ wã zãnga,+
la yam soab tõogda a menga.+
12 Naab sã n kelgd zirẽ-beedo,
a tʋm-tʋmdbã fãa lebgda nin-wẽnse.+
13 Ad bũmb sẽn kɩt tɩ naong soab ne sẽn namsd-a a taab wõnd taaba:
A Zeova kõta b yiibã fãa ninã vẽenem.
14 Rĩm sã n kaood naong rãmb bʋʋd tɩrga,+
a naamã geer na n lugla kãn-kãe wakat fãa yĩnga.+
15 Rasaar ne remsg kõta yam,+
la biig b sẽn bas n pa kibindẽ ningda a ma yãnde.
16 Nin-wẽnsã sã n lebgd wʋsgo, beegr me lebgda wʋsgo,
la nin-tɩrsã na n yãa b lʋɩɩse.+
17 Kibl f biiga, tɩ rẽ la a na n kɩt tɩ f vʋʋse.
A na n kɩtame tɩ fo paam sũ-no-kãsenga.+
18 Vẽnegr sẽn ka zĩig ningã, nebã maanda yaare.+
La sũ-noog rãmb la sẽn tũud-b tõogã.+
19 Tʋm-tʋmd pa na n bas tɩ goam rems-a ye.
Bala baa a sẽn wʋmd goamã võorã, a pa sakd ye.+
20 Fo zoe n yãa ned sẽn yãgd ne goam bɩ?+
Saagr bee yalem yĩng n yɩɩd nin-kãnga.+
21 B sã n põneg tʋm-tʋmd hal a yãadmẽ,
kaoosg zugẽ, a wat n lebga sõm-zɩta.
22 Sũur soab wata ne zaba.+
Ned sũur sẽn yikd tao-tao beegda naoor wʋsgo.+
23 Ned tɩtaam n na n kɩt t’a paam yãnde,+
la sẽn yaa-a sik-m-meng soab na n paama ziiri.+
24 Wagdr tʋmd-n-taag kisa a menga.
A tõe n wʋma b sẽn yet tɩ b wa kõ kaseto, la a pa na n vẽneg bũmb n togs ye.+
25 Ninsaal zoees yaa bẽdgo,+
la sẽn teeg-a a Zeova na n paama koglgo.+
26 Neb wʋsg baood n na n goma ne naaba,
la tɩrlem yita a Zeova nengẽ.+
27 Nin-tɩrg kisa ned sẽn pa tɩrga,+
la nin-wẽng kisa ned ning sor sẽn yaa tɩrga.+