Sẽn be Yɩɩn-sõamyã sebrã pʋgẽ
Yɩɩn-sõamyã 113:1
113 Pẽg-y-yã a Zah!
Yãmb a Zeova tʋm-tʋmdba, pẽg-y-yã-a.
Pẽg-y-yã a Zeova yʋʋrã.
2 Bɩ a Zeova yʋʋrã paam pẽgr
masã tɛka, la wakat fãa yĩnga.+
3 Bɩ a Zeova yʋʋrã paam pẽgre,+
sẽn sɩng wĩndgã sẽn yitẽ n tɩ tãag a sẽn kẽedẽ.
4 A Zeova zẽkame n yɩɩd buud toɛy-toɛyã fãa.+
A ziirã yɩɩda saasã.+
5 Ãnda n yaa wa tõnd Wẽnnaam a Zeova,+
soab ning sẽn be yĩngrã?
6 A sulgd n geta saasã ne tẽngã,+
7 n yiisd nimbãan-ned tomẽ.
A zẽkda naong soab n yiis tompɛglmẽ,+
8 sẽn na yɩl n kɩt t’a zĩnd ne nin-kãsemse,
a nin-buiidã nin-kãsemse.
9 A kõta pʋg-kir roogo,
la a kɩt t’a lebg ma sẽn tar sũ-noog ne a kamba.+
Pẽg-y-yã a Zah!