Yɩɩn-sõamyã sebre

36 Kɩɩsg gomda ne nin-wẽng a sũurã pʋgẽ.

Yẽ pa tol n mi wẽn-zoeer ye.+

 2 Bala a belgda a meng wʋsg

n pa tõe n yã a kongrã, la a kisg-a ye.+

 3 A noorã goam yaa wẽng la belgre.

A pa tar yam n na n maan sẽn yaa sõma ye.

A rɩka sor sẽn pa sõma.

A pa zãgsd sẽn yaa wẽng maaneg ye.

 5 Zeova, yãmb maan-neerã tata saasẽ.+

Yãmb kɩs-sɩdã zẽk n taa sawatã.

 6 Yãmb tɩrlmã yaa wa tãn-bɛda.*+

Yãmb bʋ-kaoor toor-toorã yaa wa ko-zulums sẽn yalme.+

 8 Bãmb rɩta rɩɩb wʋsg yãmb roogẽ wã n tɩgda.+

B yũuda yãmb bõn-sõma wã sẽn zoet wa kʋɩlg koomã.+

 9 Yaa yãmb nengẽ la vɩɩmã yita.+

Yãmb vẽenemã maasem yĩnga, tõnd tõe n yãa vẽenem.+

10 Ket-y n wilgd-y neb nins sẽn mi yãmbã y maan-neerã,+

la y wilg sũ-tɩrs rãmbã yãmb tɩrlmã.+

11 Ra bas-y tɩ wuk-m-meng soab naoor tab maam,

wall tɩ nin-wẽns rig maam ye.

12 Yaa be la tʋʋm-wẽns-maandbã lʋɩyã.

B lub-b lame, tɩ b pa tõe n yik ye.+