Yɩɩn-sõamyã sebre
SEBR A YIIB-N-SOABA
(Yɩɩn-sõamyã 42-72)
Yɩɩlã taoor soab yĩnga. A Koore+ kom-dibli wã Maskɩlle.*
2 Wẽnnaam ko-yũud n sɩd tar maam.* Wẽnnaam ning sẽn vɩ wã ko-yũud n tar maam.+
Dabʋr la mam na n wa yals Wẽnnaam taoore?+
3 Wĩndg la yʋngo, mam nintãmã n lebg m dɩɩbo.
Daarã tõre, nebã yaanda maam n sokdẽ: “Fo Wẽnnaamã bee yɛ?”+
4 Mam tẽega bõn-kãens yelle, n togs yãmb bũmb nins sẽn be m sũurẽ wã.
Bala pĩnda, mam da naagda neb kʋʋng n kẽnda.
Mam da wae n lʋɩta b taoor n kẽnd maasg-maasga,* n dabd Wẽnnaam doogẽ wã
ne kɩdeng la bark pʋʋsg rãamde.
Yaa rãamd ning kʋʋngã sẽn maand tigr yĩngã.+
5 Bõe yĩng tɩ mam* sũurã sãam wʋsg woto?+
Bõe yĩng tɩ mam maand yɩɩr a woto fãa?
6 Mam Wẽnnaam, mam* sũurã sãama wʋsgo.+
7 Ko-zulums boonda ko-zulumsi,
yãmb koomã sẽn dʋʋgdã rãamd maasem yĩnga.
Yãmb ko-pɛmã sẽn tar pãngã fãa lima maam.+
8 Wĩndga, a Zeova na n wilga maam a maan-neerã.
La yʋngo, mam na n yɩɩla a yɩɩlle: Yaa Wẽnnaam ning sẽn kõ maam vɩɩmã pʋʋsgo.+
9 Mam na n soka Wẽnnaam sẽn yaa mam pĩigã yaa:
“Bõe yĩng tɩ yãmb yĩm mam yelle?+
Bõe yĩng tɩ mam na n kẽnd ne sũ-sãanga, mam bɛyã sẽn weoogd maamã yĩnga?”+
11 Bõe yĩng tɩ mam* sũurã sãam wʋsg woto?
Bõe yĩng tɩ mam maand yɩɩr a woto fãa?