Yɩɩn-sõamyã sebre
Yɩɩlã taoor soab yĩnga. A Davɩɩd yɩɩlle.
40 Mam teega* a Zeova ne m sũur fãa,
t’a kɩll a tʋbr n tees* maam, n wʋm mam sẽn kelemd n kot sõngrã.+
2 A yiisa maam bok sẽn tar ko-zoetem pʋgẽ.
A yiisa maam bɛgd sẽn yaa fẽda pʋgẽ.
A zẽka maam n dogl pĩig zugu.
A kɩtame tɩ mam kẽnd tẽn-koɛɛng zugu.
3 Rẽ poore, a ninga yɩɩn-paall mam noorẽ:+
Tõnd Wẽnnaamã pẽgr yɩɩlle.
Neb wʋsg na n yãame n yɛɛse,
la b teeg a Zeova.
4 Sũ-noog soab la ned ning sẽn teeg a Zeova,
n pa teeg kɩɩsdbã wall zãmb dãmbã* ye.
5 Mam Wẽnnaam a Zeova,
tʋʋm-kãsems nins yãmb sẽn tʋm tõnd yĩngã yaa wʋsgo.
Tagsa nins yãmb sẽn tagsd tõnd wɛɛngẽ wã me yaa wʋsgo.+
Ned kae b sẽn tõe n dɩk n mak ne yãmb ye.+
M sã n da mak n na n togs la m gom b yelle,
b sõorã yaa wʋsg hal tɩ m pa tõe n togs n sa ye!+
Yãmb pa kos maand sẽn yõogd bugum la yel-wẽnd maand ye.+
7 Rẽ poore, mam yeelame: “Ade! Mam waame.
Seb-pindmã pʋgẽ, b gʋlsame n gom mam yelle.+
9 Mam moonda tɩrlem koe-noogã tigin-kãsengã pʋgẽ.+
Zeova, yãmb meng miime
tɩ mam pa sĩnded m noor ye.+
10 Mam pa bĩngd yãmb tɩrlmã m sũurẽ ye.
Mam moonda yãmb kɩs-sɩdã la y fãagrã.
Mam pa solgd yãmb maan-neerã ne y sɩdã tigin-kãsengã pʋgẽ ye.”+
11 Zeova, ra mong-y maam yãmb nimbãan-zoeerã ye.
Bɩ yãmb maan-neerã la y sɩdã kogl maam wakat fãa.+
12 Yel-beed nins sẽn gũbg maamã yaa wʋsg tɩ m pa tõe n sõdg n sa ye.+
Mam tudgrã yaa wʋsg n namsd maam hal tɩ m pa tõe n yã m sor ye.+
B sõorã yaa wʋsg n yɩɩd mam zugã zoobdo,
tɩ m koms raoodo.
13 Zeova, m bõos tɩ y sak n fãag-ma.+
Zeova, wa n sõng-y maam tao-tao.+
14 Bɩ neb nins fãa sẽn baood maam n na n yãk m yõorã*
paam yãnd la paoogre.
Bɩ sẽn maand-b sũ-noog mam yel-beedã yĩngã
leb poorẽ ne paoogre.
15 Bɩ neb nins sẽn yet maam tɩ “n-faa, n-faa” wã
yɛɛse, b sẽn paam yãndã yĩnga.
Bɩ neb nins sũy sẽn noom ne yãmb sẽn fãagd nebã to-to wã yet wakat fãa yaa:
“Bɩ a Zeova paam waoogre.”+
17 La mam pa tar sõangda, n le yaa naong soaba.
Bɩ a Zeova ges mam yelle.