Yɩɩn-sõamyã sebre
Yɩɩlã taoor soab yĩnga. A Davɩɩd yɩɩlle.
139 Zeova, yãmb feesa maam neere, n mi maam.+
2 Yãmb mii mam zĩndg wakate, la m yikr wakate.+
Yãmb bee yɩɩg n mi mam tagsa wã.+
5 Yãmb gũbgda maam poorẽ la taoore.
Yãmb tika maam ne y nugu.
6 Bãngr a woto võor yɩɩda mam sẽn tõe n wʋme.*
A zẽkame n yɩɩd mam sẽn tõe n ta.*+
7 Yɛ la mam tõe n kẽng n põs yãmb vʋʋsmã?
Yɛ la mam tõe n zoe n kẽnge, n zãag ne yãmb nengã?+
9 Mam sã n yɩk ne tõd-beoog pɩgs
n tɩ zĩnd mogr ning sẽn zãr n yɩɩdã noore,
10 baa beenẽ, yãmb nugã na n wilga maam sore.
Yãmb nug-rɩtgã na n gãda maam.+
11 Mam sã n yeele: “Yaa vẽeneg tɩ likã na n solga maam,”
yʋngã sẽn gũbg maamã lebgda vẽenem.
12 Baa lik pa na n yɩ lik wʋsg ne yãmb ye.
La yʋngã na n yɩɩ vẽeneg wa wĩndga.+
Ne yãmba, lik ne vẽenem yaa a yembre.+
14 Mam pẽgda yãmba, bala yãmb sẽn naan maam to-to wã seka rabeem, la be rasãnde.+
15 Yãmb sẽn wa n maand maam zĩ-soalgdgẽ wã,
yãmb sẽn wa n wʋgd maam tẽngã zĩ-zulumsẽ wã,
mam kõabã pa solg ne yãmb ye.+
16 Yãmb ninã yãa maam m sẽn wa n be m ma wã pʋgẽ wã.
Mam yĩngã wil fãa ra gʋlsa yãmb sebrã pʋgẽ,
n wilgd b maanegã raya,
tɩ b baa a ye nan kae meng ye.
17 Ne maam, yãmb tagsa wã tara yõod wʋsgo!+
Mam Wẽnnaam, b sõorã sɩd labsa!+
18 Mam sã n mak n na n sõd-ba, b sõorã yɩɩda bĩisrã.+
Mam sã n wa neke, m ket n bee ne yãmba.*+
19 Mam Wẽnnaam, yãmb sã n da kʋ nin-wẽnsã,+
nen-kɛglem dãmbã* ra na n loog n basa maam,
20 rat n yeel tɩ neb nins sẽn gomd yãmb wẽng ne yamleoogã.*
B yaa yãmb zabd-n-taas sẽn paoogd yãmb yʋʋrã.+
22 Mam tolg n kis-b-la ne m sũur fãa.+
B lebga mam bɛɛb meng-menga.
23 Mam Wẽnnaam, fees-y maam neer n bãng mam sũurã.+
Fees-y maam n bãng mam tagsa nins sẽn wat ne yɩɩrã.+