Yɩɩn-sõamyã sebre
Yɩɩlã taoor soab yĩnga. A Zeova tʋm-tʋmd a Davɩɩd n gʋls yɩɩn-kãngã goamã a Zeova yĩnga, daar ning a Zeova sẽn fãag-a
a bɛɛbã fãa nusẽ la a Sayull nugẽ wã. A yeelame:+
18 Yãmb a Zeova sẽn yaa mam pãngã,+ mam nonga yãmb wʋsgo.
2 A Zeova yaa mam pĩiga, la m pãng zĩiga, soab ning sẽn fãagd maamã.+
Mam Wẽnnaamã yaa mam pĩig kugri.+ Yẽ nengẽ la m soondeda.
A yaa m gãongo, mam fãagd sẽn tar pãnga,* la m soondg zĩig meng-menga.+
3 Mam boonda a Zeova, soab ning sẽn tog ne pẽgrã.
A na n fãaga maam m bɛɛbã nusẽ.+
6 M toogã pʋgẽ, m boola a Zeova.
M da tara yãbr n kot m Wẽnnaamã sõngre.
7 Dẽ, tẽn-gãongã sɩnga rigimdgu, n miimdẽ.+
Tãensã yẽbgrã rigimdame,
n miimdẽ, bala Wẽnnaam sũurã ra puugame.+
10 A zomba seribẽ n yɩk n watẽ.+
A zomba malɛk* pɩgs n sig tao-tao.+
12 Vẽenemã sẽn be a taoorã pʋgẽ,
sapɩlem ne bug-saal sẽn wit wʋsg n pãrg sawatã.
13 Dẽ, a Zeova zĩnda saasẽ n sɩng tãsga.+
Sẽn ka-a to wã kɩtame tɩ b wʋm a koɛɛgã rãamde,+
tɩ sapɩlem la bug-saal sẽn wit wʋsg rʋʋge.
15 Kʋɩlsã tẽngr* pugsame tɩ b neẽ.+
Zeova, yãmb tãsgã ne y yõ-bogdã pemsmã sẽn yi ne pãngã yĩnga,+
tẽngã yẽbgrã pukame.
16 A zĩnda yĩngr n tẽeg a nugu,
n gãd maam n tak n yiis ko-zulums pʋsẽ.+
17 A fãaga maam m bɛyã sẽn tar pãngã nugẽ.+
A fãaga maam neb nins sẽn kis maam la b tar pãng n yɩɩd maamã nugẽ.+
18 Neb nins sẽn kis maamã zaba ne maam m yel-pakr daare,+
la a Zeova sõnga maam.
19 A yiisa maam n tall n kẽng zĩig bũmb sẽn pa tõe n paam-m pʋgẽ.*
A fãaga maam a sũur sẽn noom ne maamã yĩnga.+
21 Bala mam tũu a Zeova soayã neere.
La mam pa maan wẽnem n bas m Wẽnnaamã ye.
22 M bĩnga a tõodã fãa m yamẽ.
Mam pa na n paoog a noyã ye.
25 Yãmb maanda sɩd ne ned ning sẽn maand sɩda.+
Ne ned sẽn yaa burkĩna, yãmb wilgdame tɩ y yaa burkĩna.+
26 Ne ned ning sẽn yaa yɩlemde, yãmb wilgdame tɩ y yaa yɩlemde.+
La ne ned ning sẽn yaa sɩlem soaba, yãmb wilgdame tɩ y yam yɩɩd-a lame.+
28 Bala yaa yãmb a Zeova n widgd mam fɩtlã.
Yaa mam Wẽnnaamã n kɩtd tɩ mam likã lebg vẽenem.+
A yaa gãongo, neb nins fãa sẽn soonded a nengẽ wã yĩnga.+
31 Bala ãnd n yaa Wẽnnaam tɩ sã n pa a Zeova?+
Ãnd n yaa pĩig kugr tɩ sã n pa tõnd Wẽnnaamã?+
33 A kɩtdame tɩ mam naoã lebg wa walg nao.
A kɩtdame tɩ mam yalsd zĩis sẽn zãnt zutu.+
34 A zãmsda maam zabre.
Mam nusã tõe n yãaga zũud tãpo.
36 Yãmb yalga sorã m nao-yakmã yĩnga.
Mam naoã pa na n salg ye.+
37 M na n diga m bɛɛbã n tɩ yõke.
Mam pa na n lebg tɩ m pa menes-b zãng ye.
38 Mam na n beds-b lame tɩ b pa le tõog n yik ye.+
B na n lʋɩɩ mam naoã tẽngre.
39 Yãmb na n kõo maam pãnga, zabrã yĩnga.
Yãmb na n kɩtame tɩ mam bɛɛbã lʋɩ mam taoore.+
41 Bãmb kelemdame n kot sõngre, la ned kae n na n fãag-b ye.
B pʋd n kelemdame n kot a Zeova sõngre, la a pa leokd-b ye.
42 Mam na n too bãmb tɩ b lebg bãaneg wa tom sobg sẽn dɩke.
Mam na n fãeeg-b-la wa sor zug bɛgdo.
43 Yãmb na n fãaga maam ne nin-buiidã wɩdgã.+
Yãmb na n yãka maam tɩ m lebg buud toɛy-toɛy taoor soaba.+
Buud m sẽn da pa mi neb na n saka maam.+
44 B sẽn wʋm bũmb ningã bal na n kɩtame tɩ b sak maam.
Bu-zẽms na n wa yĩgimda mam taoor ne rabeem.+
45 Bu-zẽms na n komsa raoodo.
Bãmb na n yii b soondgã zĩisẽ la b rigda.
46 A Zeova vɩɩme! Bɩ m Pĩig kugrã paam pẽgre!+
Bɩ Wẽnnaam sẽn yaa mam fãagdã paam pẽgre.+
47 Wẽnnaam rokda m sũur n kõt-ma.+
A kɩtdame tɩ buud toɛy-toɛy sakd maam.
48 A fãagda maam m bɛɛbã sũy sẽn yikã nusẽ.
Yãmb zẽkda maam yĩngri, tɩ sẽn zabd-b ne maamã pa tõe n paam maam ye.+
Yãmb fãagda maam nen-kɛglem soabã nugẽ.