Yɩɩn-sõamyã sebre
Yɩɩlã taoor soab yĩnga. A Davɩɩd yɩɩlle.
41 Sũ-noog soab la ned ning sẽn tẽegd naong soab yelle.+
A Zeova na n fãag-a-la yel-beed wakate.
2 A Zeova na n gũ-a lame, la a kɩt t’a kell n vɩɩmde.
3 A sã n wa gãe a gãagã zug ne bãaga, a Zeova na n teel-a lame.+
A bãagã sasa, yãmb na n toeema a gãagã fãa.
4 Bala mam yeelame: “Zeova, zoe-y mam nimbãanega.+
Sãoog-y maam,*+ bala mam beega yãmba.”+
5 La mam bɛɛbã gomda mam yell wẽnga, n sokdẽ:
“Rabʋr la a na n ki t’a yʋʋrã meneme?”
6 B nin-yend sã n wa n na n ges maam, a gomda zirẽ-be-goam wa sẽn be a sũurẽ wã.
A baooda bũmb a sẽn na n yeel tɩ sãam mam sũuri.
Rẽ poore, a yitame n gomd rẽ yell zĩig zãnga.
7 Neb nins sẽn kis maamã fãa walemda taaba.
B seta taab n na n maan maam wẽnga, n yetẽ:
9 Baa ned ning sẽn da tar laafɩ ne maamã, mam sẽn da kɩs a soab sɩdã,+
ned ning sẽn da rɩt mam dɩɩbã* zẽka a nao-kãsenkãar n zab ne maam.*+
10 La zoe-y mam nimbãanega, Zeova, la y kɩt tɩ m yiki,
n tõog n lebs-b wa sẽn zems b tʋʋmã.
11 Ad bũmb ning sẽn na n kɩt tɩ mam bãng tɩ yãmb sũur nooma ne maam:
Yaa mam bɛyã sã n wa pa le tõe n kɩdem sũ-noogo, a sẽn tõog maam yĩnga.+
12 Sã n yaa ne maam, yãmb teenda maam m burkĩndã yĩnga.+
Yãmb na n kɩtame tɩ mam pa yãmb taoor wakat fãa yĩnga.+
Ãmiina. Ãmiina.