Koɛɛg soab sebre
1 Ad sẽn tigimd-a nebã+ sẽn yaa a Davɩɩd biiga, n yaa Zerizalɛm dĩmã goama.+
5 Wĩntoogã pukdame, la a lʋɩtẽ,
n yɩt tao-tao n lebd a sẽn pukdẽ wã, n na n le puki.+
6 Sobgã rabda goabga, n gilimd n leb rɩtgo.
A gilgda wakat fãa n sogdẽ. Sobgã gilgdame n pa basdẽ ye.
7 Kʋɩlsã fãa koom zoet n dabda mogrẽ wã, la mogrã pa pit ye.+
B lebgd n leba b sẽn da yiẽ wã, n na n le gilg n wa.+
8 Bũmba fãa wata ne yaamse.
Ned baa a ye pʋd n pa tõe n bilg b fãa ye.
Bũmb nins nif sẽn getã pa sekd-a,
la tʋbr me sẽn kelgd bũmb ninsã pa pit-a ye.
9 Yaa bũmb nins sẽn da be wã n na n le zĩndi,
la bũmb nins sẽn da maanã n na n le maane.
Bõn-paall pa be tẽngã zug ka ye.+
10 Bũmb bee ned sẽn tõe n gom a yell n yeel tɩ ad bõn-paall sɩda?
Bõn-kãng ra zoe n zĩnda hal pĩnda.
A ra zĩndame tɩ tõnd wakatã nan pa ta ye.
11 Ned baa a ye pa tẽr sẽn da zĩnd-b pĩndã yelle,
ned pa na n tẽeg sẽn nan wat-bã yell me,
la sẽn na n wa-b bãmb me poorẽ wã pa na n tẽeg-b yell ye.+
12 Maam a tigimdã yɩɩ Israyɛll rĩm n zĩnd Zerizalɛm.+ 13 Mam maoo ne m sũur fãa la m bao n na n bãng bũmb nins fãa sẽn maand tẽngã zugã ne yam,+ rat n yeel tɩ tʋʋm sẽn ka yõodã Wẽnnaam sẽn kõ ninsaalbã tɩ b tʋmd n pa tar vɩʋʋgã.
14 Mam yãa tʋʋm nins fãa b sẽn tʋmd tẽng zug ka wã.
La ade! Bõn-kãens fãa yaa zaalem, yaa wa f sẽn digd sobgo.+
15 Bũmb sẽn golem pa tõe n tẽeg ye.
La b pa tõe n sõd bũmb sẽn ka be ye.
16 Dẽ la mam yeel m sũurẽ yaa: “Gese! Mam gala yam wʋsgo, n yɩɩd neb nins fãa sẽn deng maam Zerizalɛmmã.+ Mam paama yam la bãngr wʋsgo.”+ 17 Mam baoo ne m sũur fãa n na n bãng yam ne gãeemd* la yalemd sẽn yaa bũmb ninga.+ La rẽ me yaa wa b sẽn digd sobgo.
18 Bala bãngr wʋsg wata ne sũ-sãams wʋsgo,
tɩ rẽ kɩt tɩ ned ning sẽn paasd a bãngr wʋsg paasd a toogo.+