Yɩɩn-sõamyã sebre
Yɩɩlã taoor soab yĩnga. Segd n yɩɩlame tɩ zems “Tõd-beoog walgã.”* A Davɩɩd yɩɩlle.
22 Mam Wẽnnaam, mam Wẽnnaam, bõe yĩng tɩ yãmb bas maam?+
Bõe yĩng tɩ yãmb pa wat n fãag maam?
Bõe yĩng tɩ y pa kelgd mam sẽn yãbd m sũ-sãangã pʋgẽ wã?+
2 Mam Wẽnnaam, mam tara yãmb boaal wĩntoogo, la yãmb pa leokd maam ye.+
Yʋng me, mam pa sĩnded ye.
5 B ra kelemd n boonda yãmba, n paamd fãagre.
B teega yãmba, la b pa paam yãnd ye.+
6 La mam yaa zũnzũuri, n pa ninsaal ye.
Nebã laada maam la b paoogd maam.+
8 “Yẽ teega a Zeova. Bɩ a fãag-a!
Bɩ a fãag-a, tɩ bala a nong-a-la wʋsgo!”+
9 Yãmb la Soab ning sẽn yiis maam m ma pʋgẽ wã.+
Yãmb kɩtame tɩ mam yam da gãe bãan m ma sẽn wa n yẽsemd maamã.
10 B rɩka maam n gũnug yãmb* hal m dogmẽ.
Sẽn sɩng mam sẽn wa n be m ma wã pʋgẽ tɛka, yãmb yaa mam Wẽnnaam.
13 B yaaga b noyã yaleng n na n zab ne maam,+
wa gɩgemd sẽn kelemd la a tõsd rũng a sẽn yõk to-to wã.+
14 Mam pãngã saa wa koom sẽn daage.
Mam kõabã fãa yii b sũgdsẽ wã.
15 Mam pa le tar pãng ye. Mam yaa wa sa-pɛɛga.+
Mam zɩlemdã tabendeda m dagsendakã.+
Yãmb kɩtame tɩ mam sigd kũum tomẽ.+
17 Mam tõe n sõda m kõabã fãa.+
Mam bɛɛbã geta maam. B geta maam kuii.
19 La yãmb a Zeova, ra pa-y yɩɩg ye.+
Yãmb yaa mam pãnga. Wa n sõng-y maam tao-tao.+
20 Fãag-y maam* tɩ b ra kʋ-m ne sʋʋg ye.
Fãag-y m vɩɩmã* sẽn tar yõod wʋsgã baasã naoẽ wã.*+
21 Fãag-y maam gɩgemdã noorẽ,+ la we-niisã yɩɩlẽ.
Leok-y maam la y fãag-ma.
23 Yãmb a neb nins sẽn zoet a Zeova wã, pẽg-y-yã-a!
Yãmb a Zakoob yagensã fãa, waoog-y-yã-a!+
Yãmb a Israyɛll yagensã fãa, zoe-y-yã-a!
A sẽn wa n kelem n kos a sõngrã, a wʋmame.+
25 Mam na n pẽga yãmb tigin-kãsengã pʋgẽ.+
Mam na n pidsa m pʋlemsã sẽn zoet-b yãmbã taoore.
Bɩ y vɩɩmd* n kaoos wakat sẽn kõn sa.
27 Tẽngã kɩremsã fãa neb na n tẽega a Zeova yelle, n lebg n wa a nengẽ.
Buud toor-toorã fãa rotã neb na n wõgemda a taoore.+
28 Bala naamã yaa a Zeova n so.+
A rɩta naam buud toɛy-toɛyã zutu.
29 Tẽngã arzɛk rãmbã* fãa na n dɩɩme la b wõgemde.
Neb nins sẽn na n sig tomẽ wã fãa na n yĩgimda a taoore.
B ned baa a ye pa tõe n kogl b vɩɩmã* ye.
30 Bãmb yagensã na n tũu Wẽnnaam.
B na n goma a Zeova yell ne zãmaan ning sẽn watã.
31 B na n waame, n gom Wẽnnaam tɩrlmã yelle.
B na n togsa sẽn nan na n dog-bã bũmb ning Wẽnnaam sẽn maanã.