A Salomo yɩɩllã sebre
6 “Pagbã fãa pʋg-neere,
fo noangã kẽnga yɛ?
A teesa yɛɛnẽ?
D na n sõng-f lame n bao-a.”
2 “Mam noangã kẽnga a zẽedã zĩigẽ,
zĩis nins b sẽn gudg n sel tɩɩs sẽn tar yũ-noogã,
n na n tɩ kɩɩm rũms zẽedã zĩisẽ,
la a yãgs rulg-lɛlma.+
3 Mam yaa m noangã rẽnda,
tɩ m noangã yaa mam dẽnda.+
A kɩɩmda rũms rulg-lɛlmã sʋka.”+
4 “M noanga,+ fo yaa neer wa Tɩrza.*+
Fo yaa neer wʋsg wa Zerizalɛm,+
n tar ziir wʋsg wa tãb-biis sẽn karg n gũbg b tãb-kaoa.+
Fo zoobdã yaa wa bʋʋs bãgr
sẽn be Galaad sigdsẽ wã n watẽ.+
6 Fo yẽnã yaa wa piis
sẽn yi zĩig ning b sẽn so-b koomã n watẽ.
A ye fãa tara a kinkir-taaga.
Pe-bil baa a ye pa paoog ye.
7 Fo yɛgã f sẽn pil peendã yaa wa
gernaad tɩɩg bil b sẽn boke.
9 La a yembr bal n yaa mam marwalle,+ n pa tar zang ye.
A yaa a ma wã bi-pugl-yende.
A yaa pag ning sẽn dog-a wã bi-nongre.
Kom-pugli wã yãt-a lame n yetẽ t’a tara sũ-noogo.
Na-pogs ne pʋg-rɩkds* yãt-a lame n pẽgd-a.
10 ‘Yaa ãnda la sẽn yãgd wa sãoore,
n yaa neer wa ki-pɛɛlga,
la a yãgd wa wĩntoog vẽenem,
n tar ziir wʋsg wa tãb-biis sẽn karg n gũbg b tãb-kaoã?’”+
11 “Mam kẽnga nobsã zĩigẽ+
n na n tɩ ges tɩɩsã sẽn sɩng tobr longẽ wã,
n na n ges viyn tɩɩsã sã n tobdame,
la gernaad tɩɩsã sã n ningda puudu.
12 Mam sẽn wa n na n bãnge,
tɩ m tʋlsmã tall-m lame n kẽng mam nin-buiidã sẽn tar
yam-sõngã saar-dãmbẽ.”*
13 “Lebg n wa, Sunem bi-pugla,* lebg n wa!
Lebge, lebg n wa
tɩ d get f neermã!”
“Yaa bõe tɩ yãmb get Sunem bi-puglã?’”*+
“A yaa wa sul a yiib neb sẽn saoode!”*