Yɩɩn-sõamyã sebre
ל [Lamed]
10 Zeova, yaa bõe yĩng tɩ yãmb yas yɩɩga?
Bõe yĩng tɩ yãmb solgd y meng yel-pakr wakate?+
3 Bala nin-wẽng wukda a meng ne a rat-m-ye wã,*+
la a ningd yão-beed soab barka.*
נ [Nun]
A paoogda a Zeova.
4 Nin-wẽng wuk-m-mengã yĩnga, a pa baood n bãng Wẽnnaam ye.
A yeta a meng bal yaa: “Wẽnd kae ye.”+
5 A sẽn maand bũmb ning fãa yãkda nenga,+
la yãmb bʋ-kaoor toor-toorã võor wʋmb looga a nugu.+
A yaanda* a zabd-n-taasã fãa.
6 A yeta a sũurẽ yaa: “Mam pa na n tol n maan yɩɩr ye.
Bala zãmaan woo zãmaana,
mam pa na n tol n yã yel-beed ye.”+
פ [Pe]
8 A solgda tẽn-bõonesã noy n gũudẽ.
A paa a sẽn solgẽ wã, n kʋ ned sẽn pa tar a toorẽ yelle.+
ע [Ayin]
A ninã gẽesda ned a sẽn tõe n paam n kʋ.+
9 A bee a sẽn solgẽ wã n gũudẽ, wa gɩgemd sẽn be a tʋgrẽ.+
A gũudame, n na n yõk ned sẽn pa tar sõangda.
A yõkda ned sẽn pa tar sõangda, a sẽn wat n takd a gãmbrã.+
10 A namsda a sẽn yõk a soabã, la a fabg-a tẽnga.
A paamda zu-be-nebã n gãd ne a nusã.*
11 A yeta a sũurẽ yaa: “Wẽnnaam yĩmame.+
A wẽnemda a neng n tees kɛɛnga.
A pa na n tol n yã ye.”+
ק [Qoph]
12 Zeova, yik-y-yã.+ Mam Wẽnnaam, zẽk-y y nugu.+
Ra yĩm-y sẽn pa tar-b sõangdbã yell ye.+
13 Bõe yĩng tɩ nin-wẽng paoogd Wẽnnaam?
A yeta a sũurẽ yaa: “Wẽnnaam* pa na n sok maam ye.”
ר [Resh]
14 La sɩd-sɩda, yãmb nee zu-loɛɛg la yel-pakre.
Yãmb getame, la y reeg yellã tɩ lebg y yelle.+
ש [Shin]
15 Bɩ y kaoog nin-wẽng la tʋʋm-wẽns soab kanga,+
sẽn na yɩl tɩ y sã n wa gẽesd a tʋʋm-wẽnsã
bɩ y ra le yã ye.
16 A Zeova yaa Rĩm wakat sẽn kõn sa yĩnga.+
Buud toɛy-toɛyã menema tẽngã zugu.+
ת [Taw]
17 La Zeova, yãmb na n wʋma sik-m-mens rãmbã kosgo.+
Yãmb na n kɩtame tɩ b paam pɛl-kɛgenga,+ la y kɩll y tʋbr n kelg-b sõma.+