A Salomo yɩɩllã sebre
8 “Fo sã n da yaa wa mam tão
sẽn yẽsem m ma wã bĩisim,
dẽ, mam sã n yã foo yɩnga, m da na n mok-f lame,+
la ned baa a ye kõn sãbs maam ye.
Mam na n kõo foo divẽ sẽn tar yũ-noogo,
gernaad tɩɩs biis koom sẽn maase.
3 A na n koka mam zugã ne a nug-goabga,
la a mobg maam ne a nug-rɩtgo.+
4 Zerizalɛm kom-pugli, mam kotame tɩ y wẽen
tɩ y pa na n bao n nek nonglem m sũurẽ, tɩ m nan pa rat ye.”+
5 “Yaa ãnda la sẽn yit we-raoogẽ wã
n kogl a noangã n watẽ wã?”
“Mam neka foo pomm tɩɩgã tẽngre.
F ma kʋma fo rogem beenẽ.
Beenẽ la pag ning sẽn dog foomã ra kʋmd f rogem.
6 Ning maam wa bãnd f sũurẽ wã,
la wa bãnd f kangã zugu.
Bala nonglem tara pãng wa kũum.+
A kɩtdame tɩ ned tabend a sẽn nong a soabã n pa basdẽ, wa Yaoogã* sẽn pa basd nedã.
A bug-witmã yaa wa bugum sẽn dɩte, a Zah* bug-witmã.+
Baa rao sã n dɩk a zak paoong fãa n kõ nonglem yĩnga,
b na n sãbsa rẽ.”*
8 “Tõnd tara d tão sẽn yaa bilfu,+
n pa tar bĩis ye.
Bõe la d na n maan n kõ d tãoã,
daar ning b sẽn na n wa kos-a n kẽ kãadmã?”
9 “A sã n yaa lalga,
tõnd na n mee wanzuri gasg a zugu.
La a sã n yaa kʋɩlenga,
tõnd na n pag-a-la ne sɛɛdr da-peoko.”
10 “Mam yaa lalga,
tɩ mam bĩisã yaa wa gasdo.
Woto, a nifẽ mam lebga
wa ned sẽn paam bãane.
11 A Salomo ra tara viyn pʋʋg+ Baal-hamon.
Yẽ rɩka viyn pʋʋgã n gũnug neb tɩ b get a yelle.
B ned kam fãa ra wata ne wanzuri ligd-koeems tusri, a biisã yĩnga.
12 Mam tara m toorẽ viyn pʋʋg n maand m yam.
Salomo, wanzuri ligd-koeems tusrã yaa foom n so,
tɩ kobs-yi wã yaa neb nins sẽn get a biisã yellã n so.”
Bas tɩ ma-me wʋm f koɛɛgã.”+
14 “M noanga, zoe tao-tao.
Zoe tʋʋll wa yãk+
bɩ walg biiga,
tãens nins zut mood sẽn tar yũ-noog sẽn yitã.”