Yɩɩn-sõamyã sebre
137 Tõnd zĩnda Babilon kʋɩlsã noore.+
Tõnd sẽn wa n tẽeg Siyõ yellã, d yãbame.+
3 Bala sẽn kẽes-b tõnd yembdã kosa tõnd yɩɩll be.+
Sẽn yaand-b tõndã ra ratame tɩ d noog b yõore. B yeelame:
“Yɩɩl-y Siyõ yɩɩll a ye tɩ d kelge.”
4 Tõnd na n yɩɩ wãn n yɩɩl a Zeova yɩɩll
tẽn-zẽnga?
6 Mam sã n pa tẽeg foom a Zerizalɛm yelle,
la mam sã n pa ges tɩ fo yõod n yɩɩd
bũmb a taabã sẽn kõt maam sũ-noogã,+
bɩ m zɩlemdã tabend m dagsendakã.
7 Zeova, tẽeg-y
bũmb ning Edom nebã sẽn yeel Zerizalɛm lʋɩɩsã daarã. B yeelame:
“Tus-y-yã-a n lubi! Tus-y-yã-a n lub n tãag a yẽbgrã!”+
8 Foom a Babilon bi-puglã b sẽn na n sãam ka la bilfã,+
sũ-noog soab la ned ning sẽn na n keo foo,
namsg ning fo sẽn nams tõndã yĩnga.+
9 Sũ-noog soab la ned ning sẽn na n yõg fo kambã
n fab pĩig kug zutã.+