Sãmwɛll pipi sebre
2 Dẽ, a Ann pʋʋsame n yeele:
Mam na n leoka m bɛɛbã ne raoodo,
bala mam kɩdemda sũ-noog fo fãagr tʋʋmã yĩnga.
2 Wẽnnaam sẽn yaa sõng wa a Zeova pa be ye.
Wẽnnaam a to kae n zʋʋg foom ye.+
Tõnd Wẽnnaamã bal n tar pãng wa pĩiga.+
3 Da gomd-y ne tɩtaam ye.
Da sak-y tɩ wuk-m-meng goam yi y noorẽ ye.
Bala a Zeova yaa Wẽnnaam sẽn mi bũmb fãa.+
La a bʋʋda nebã tʋʋmã ne tɩrlem.
5 Neb nins sẽn da rɩt n tɩgdã segd n baoa tʋʋm n paam dɩɩbo,
la kom sẽn da tar-b rãmbã pa le yãbd kom ye.+
6 A Zeova n tõe tɩ ned ki, la yẽ n tõe tɩ ned vɩɩmde.*
7 A Zeova n tõe tɩ ned lebg naong soaba, la yẽ n tõe tɩ ned lebg rakãagre.+
Yẽ n sikd neda, la yẽ n zẽkd neda.+
8 A zẽkda nimbãan-nebã tɩ b yik tomẽ,
la a zẽkd naong rãmb tompɛglmẽ.*+
Yẽ kɩtdame tɩ b zĩnd ne nanambse,
n kõt-b zaoos sẽn be ziiri.
A Zeova n so dũniyã yẽbgre,+
la yẽ rogla dũniyã a yẽbgrã zugu.
9 A gũuda neb nins sẽn maand sɩdã naoa,+
la a kɩtdame tɩ nin-wẽnsã menem lik pʋgẽ.+
Bala pa ned pãng n kɩtd t’a tõog ye.+
11 A Ɛlkana kuila a yirã Rama, la biigã lebga a Zeova tʋm-tʋmd+ maan-kʋʋd a Eli taoore.
12 La a Eli kom-dibli wã ra yaa nin-wẽnse.+ Bãmb toog ra kae ne a Zeova ye. 13 Ad bũmb ning b sẽn da maande, pʋɩɩrã nin-buiidã sẽn da segd n kõ maan-kʋʋdbã wɛɛngẽ:+ Ned sã n da kõ maoongo, nemdã sẽn ket n kaeed wakate, maan-kʋʋdã tʋm-tʋmd ra wata ne yaagdg sẽn tar yẽn a tãabo, 14 n tʋm-a la-pokẽ wã, la rʋk buud fãa pʋgẽ. Bũmb ning fãa a sẽn yaage, a ra kõt-a-la maan-kʋʋdã. Yaa woto la b ra maand Israyɛll neb nins fãa sẽn da wat Sɩlo wã. 15 Sẽn paase, nand tɩ ned ning sẽn kõ maoongã yõog kaamã tɩ bug-zõosã nusi,+ maan-kʋʋdã tʋm-tʋmd ra watame n yeel-a: “Wa ne maan-kʋʋdã nemd t’a sẽ. A pa rat tɩ f kõ-a nemd sẽn dʋg ye. Yaa nem-kãad bal la a rata.” 16 La nedã sã n yeel-a yaa: “Bas tɩ b yõog kaamã+ nanda. Rẽ poore, f tõe n yãka bũmb ning fãa fo sẽn date.” A ra leokdame: “Ayo! Wa ne mas-masã, sã n pa rẽ, mam na n yãka ne pãnga!” 17 Woto, tʋm-tʋmdbã yel-wẽndã lebga kãseng a Zeova nifẽ.+ Bala nin-kãens ra pa nand maandã nebã sẽn kõt a Zeova wã ye.
18 La a Sãmwɛll ra tʋmda+ a Zeova taoore, n da yer* efood* sẽn wʋg ne lẽ* gĩsi,+ baa a sẽn da yaa bi-bilfã. 19 Sẽn paase, yʋʋmd fãa, a ma wã ra wʋgda kobr sẽn yaa bilf n yaa bãg-vɩɩdo, t’a sã n wa rabd ne a sɩdã n na n tɩ kõ yʋʋmd-yʋʋmd maoongã, bɩ a zã n tɩ kõ-a.+ 20 La a Eli ninga a Ɛlkana ne a pagã bark n yeele: “Bɩ a Zeova kɩt tɩ pʋg-kãngã rog biig n kõ-fo, n ledg biig ning a sẽn dɩk n kõ* a Zeova wã.”+ La bãmb kuila b yirã. 21 A Zeova tẽega a Ann yelle, n kɩt t’a rɩk pʋg+ n dog kom-dibli a tãab ne kom-pugli a yiib n paase. La biig a Sãmwɛll ra bɩta a Zeova taoore.+
22 La a Eli wa n kʋʋla wʋsgo. A wʋma bũmb nins fãa a kom-dibli wã sẽn da maand+ Israyɛllã, la b sẽn da gãe pagb nins sẽn tʋmd sɛk-roogã noorã.+ 23 A ra yeta a kom-dibli wã yaa: “Bõe yĩng tɩ yãmb ket n tʋmd tʋʋm-kãensã? Bala nin-buiidã fãa sẽn yet bũmb ning yãmb zug tɩ mam wʋmdẽ wã yaa wẽnga. 24 Ayo, m kamba. A Zeova nin-buiidã sẽn yet bũmb ning yãmb zug tɩ mam wʋmdẽ wã pa sõma ye. 25 Ned sã n beeg a to, ned tõe n yõka a Zeova sɛɛg a soab yĩnga.* La ned sã n beeg a Zeova,+ ãnd n tõe n pʋʋs a yĩnga?” La bãmb pa kelg b ba wã ye. Bala a Zeova ra yãka yam n na n kʋ-ba.+ 26 Wakat kãnga, biig a Sãmwɛll ra ket n bɩtame, la a Zeova ne nin-buiidã sũur da maneg n nooma ne-a.+
27 Wẽnnaam dao n wa a Eli nengẽ n yeel-a yaa: “Ad a Zeova sẽn yeele: ‘Mam pa vẽneg m meng vẽeneg ne f yaabã roog rãmba, b sẽn wa n yaa yembs Ezɩpt a Farawõ zakẽ wã sɩda?+ 28 Mam yãka yẽ Israyɛll buud toɛy-toɛyã fãa sʋka,+ t’a na n yɩ mam maan-kʋʋd n maand maand mam tẽn-kugrã zugu,+ n yõogd wisdu,* la a yeelgd efood* mam taoore. La mam kõo fo yaabã roog rãmb Israyɛll nebã* kũun nins fãa b sẽn yõogd bugmã.+ 29 Bõe yĩng tɩ yãmb paoogd* kũun nins mam sẽn yeel tɩ b kõt maamã, la maandã mam sẽn yeel tɩ b maand mam doogẽ wã?+ Bõe yĩng tɩ fo waoogd f kom-dibli wã n yɩɩd maam? Yãmb dɩta Israyɛll nebã sẽn yaa mam nin-buiidã maandã babs nins sẽn yaa sõma n yɩɩdã n nobda.+
30 “‘Rẽ n so tɩ Israyɛll Wẽnnaam a Zeova yeel yaa: “Yaa sɩd tɩ mam da yeelame tɩ fo roogã rãmb ne f yaabã roog rãmb na n kẽna mam taoor wakat fãa.”+ La masã, a Zeova yetame: “Pa na n yɩ woto ye. Bala ned ning sẽn waoogd maam, mam na n waoog-a lame.+ La ned ning sẽn paoogd maam, mam na n paoog-a lame.” 31 Gese! Wakat n wat tɩ mam na n kɩt tɩ foo ne f yaabã roog rãmb pãngã* sa, hal tɩ rao sẽn kʋʋl ra le zĩnd fo roogã rãmb sʋk ye.+ 32 Israyɛll nebã vɩɩmã sã n wa noomẽ, fo na n yãa f bɛ fo taoor mam roogẽ wã,+ la rao sẽn kʋʋl pa na n tol n le zĩnd fo roogã rãmb sʋk ye. 33 Fo roogã rao ning mam sẽn na n bas t’a kell n tʋm m tẽn-kugrẽ wã na n kɩtame tɩ fo ninã pãng booge, la a na n waa ne toog n kõ foo.* La sʋʋg n na n kʋ fo roogã rãmb fãa la bala.+ 34 Bũmb ning sẽn na n paam fo kom-dibli a yiib a Ofni ne a Fineyaasã na n yɩɩ bãnde: Bãmb b yiibã fãa na n kii daar-n-yɛnga.+ 35 Rẽ poore, mam na n yãka maan-kʋʋd sẽn yaa sɩd soaba.+ A na n maana bũmba fãa tɩ zems ne mam sũurã raabo, la mam na n kɩtame t’a roogã rãmb yɩ maan-kʋʋdb wakat fãa. Yẽ na n kẽna ned ning mam sẽn zaeyã* taoor daar fãa. 36 Fo roogã ned ning fãa sẽn na n kellã na n wa wõgemda a taoore, n kos-a t’a kõ-a tʋʋm t’a paam ligd bilf la rɩɩbo. A na n yeelame: “M bõos tɩ f bobl-m maan-kʋʋrã tʋʋmd a yembre, tɩ m paam rɩɩb n dɩ.”’”+