A Salomo yɩɩllã sebre
Mam gẽmsa m miir* la bũmb a taab sẽn tar yũ-noogã.+
Mam dɩɩ m sɩ-vakã la m sɩɩdã.
Mam yũu m divẽ wã la m bĩismã.”+
“D zo-rãmba, rɩ-y-yã!
Yũ-y la y tɩgs y mens ne nonglem!”+
2 “Mam gõeeme, la m sũurã pa gõe ye.+
Mam wʋmda m noangã sẽn kabsde!”
“M tãoa, m noanga,
m marwall sẽn pa tol n tar zanga, pak tɩ m kẽ!
Bala mam zugã madga ne meenem,
mam zoobdã madga ne yʋng meenem.”+
3 “‘Mam yeega m fuugã.
M segd n le yeelg-a lame bɩ?
Mam waasa m naoã.
M segd n le rẽgm-b lame bɩ?’
4 Mam noangã yãka a nug kʋɩlengã võorẽ,
tɩ m sũurã sɩng kiuusgu.
5 Mam yikame n na n pak tɩ m noangã kẽ.
Mam nusã ra tosda miiri,
tɩ m nug-biisã tosd miir kaam,
n bol kʋɩlengã gãtse.
6 Mam pakame n dat tɩ m noangã kẽ,
la mikame tɩ m noangã lebgame, a loogame.
Mam sũur sãama wʋsg a sẽn loogã yĩnga.
Mam gẽes-a lame, la m pa yã-a ye.+
Mam bool-a lame, la a pa leok maam ye.
7 Gũudbã sẽn gilgd tẽngã sɛga maam.
B wẽe maam, b pogla maam.
Lalsã gũudbã reega mam peendã n bas-ma.
8 Zerizalɛm kom-pugli, mam kotame tɩ y wẽen
tɩ y sã n yã m noangã,
y na n yeel-a lame tɩ m bẽeda nonglem bãaga.”
9 “Pagbã fãa pʋg-neere,
fo noangã sãoo rap a taabã ne bõe?
Fo noangã sãoo rap a taabã ne bõe
tɩ fo rat tɩ tõnd wẽen a woto?”
10 “Mam noangã pɩndame, n yaa zẽega.
Rap tus-piig sʋka, a to kae ye.
11 A zugã yaa sãnem, sãnem halaale.
A zoobdã yaa wa koms tɩɩs vãad sẽn miimdi,
n yaa sablg wa gãabgo.
13 A yɛgã yaa wa zĩig b sẽn gudg n sel zẽed sẽn tar yũ-noogo,+
tãn-dʋr zug b sẽn bʋd bõn-vãad sẽn tar yũ-noogo.
A no-bɩmsã yaa wa rulg-lɛlma, n tosd miir kaam.+
14 A nug-bi wã yaa sãnem, t’a nug-yẽesã yaa kirzolit kugri.
A pʋgã pɩnda wa wob-yẽn b sẽn saase, n bolg ne safɩɩr kugri.
15 A karsã yaa wa marbr ra-lugs sẽn dog sãnem halaal nao zugu.
A mengã yaa neer wa Libã, n ka tar to wa sɛɛdr tɩɩse.+
Zerizalɛm kom-pugli, mam noangã la m yam nedã yaa woto.”