Ezayi sebre
12 Hakɩɩka, baraare yãmb na n yeelame yaa:
“Mam pʋʋsda yãmb barka, Zeova.
Bala baa yãmb sũur sẽn da yik ne maamã,
bilf-bilfu, yãmb sũ-puugrã sigame, la yãmb belsa maam.+
2 Gese! Wẽnnaam yaa mam fãagda.+
Mam na n teeg-a lame n pa zoe rabeem ye.+
Bala a Zah,* a Zeova yaa mam pãnga, la pãng ning mam sẽn teegã.
Yẽ lebga mam fãagda.”+
3 Yãmb na n tooga koom ne sũ-noogo,
fãagr ko-bundsẽ wã.+
4 Baraare, yãmb na n yeelame:
“Pʋʋs-y-yã a Zeova barka! Bool-y-yã a yʋʋrã!
Kɩt-y tɩ b bãng a tʋʋmã buud toɛy-toɛyã sʋka!+
Moon-y t’a yʋʋrã yaa kãsenga.+
5 Yɩɩl-y n pẽg-y-yã a Zeova,+ bala a maana bõn-kãsemse.+
Kɩt-y tɩ dũniyã gill bãng rẽ.
6 Foom a Siyõ neda,* kils la f kaas ne sũ-noogo.
Bala Israyɛll Sõng soabã yaa kãseng yãmb sʋka.”