Yɩɩn-sõamyã sebre

92 Yaa sõma tɩ d pʋʋs yãmb a Zeova barka,+

tɩ d yɩɩl n pẽg yãmb a Sẽn ka-a to wã yʋʋre,

 2 tɩ d moond yãmb maan-neerã+ yibeoogo,

la yãmb kɩs-sɩdã yʋng fãa

 3 ne yʋʋm-teoog sẽn tar riss piiga, ne kʋnd

la ne pɛndg+ rãamd sẽn noome.

 4 Bala ne yãmb tʋʋmã, yãmb kɩtame tɩ mam kɩdem sũ-noogo, Zeova.

Yãmb nusã tʋʋm yĩnga, mam kaasda ne sũ-noogo.

 6 Zɩt baa a ye pa tõe n bãng-b ye.

Yalem baa a ye pa tõe n wʋm bõn-kãngã võor ye:+

 7 Nin-wẽnsã sã n wa piuugd wa nadense,*

tɩ tʋʋm-wẽns-maandbã ningd puudu,

wilgdame tɩ b na n sãam-b-la wakat fãa yĩnga.+

 9 Sɩd me, ges-y yãmb bɛɛbã lʋɩɩse, Zeova.

Ges-y yãmb bɛɛbã sẽn na n sãam to-to wã.

Tʋʋm-wẽns-maandbã fãa na n sãeegame.+

10 La yãmb na n paasa mam pãngã wa we-naaf pãnga.*

Mam na n zaee m yĩn-gãongã ne kaam sẽn yaa sõma.+

11 Mam ninã na n gesa m bɛɛbã lʋɩɩse.+

Mam tʋbã na n wʋmame tɩ b gomd nin-wẽns nins sẽn zabd ne maamã lʋɩɩs yelle.

12 La nin-tɩrsã na n ninga puud wa koanga,

n lebg bɛd wa sɛɛdr tɩɩg sẽn be Libã.+

13 B sel-b-la a Zeova roogẽ wã.

B bee tõnd Wẽnnaamã samanẽ wã n ningd puudu.+

14 Baa b kʋʋlem wakate,* b na n ket n womda biisi.+

B na n kell n talla pãnga,* n yaa maasa,+

15 n moondẽ t’a Zeova yaa tɩrga.