A Salomo yɩɩllã sebre
Mam bao-a lame, la m pa yã-a ye.+
Mam gẽes-a lame, la m pa yã-a ye.
3 Gũudbã sẽn gilgd tẽngã sega maam+ tɩ mam sok-b yaa:
‘Yãmb pa yã mam sẽn nong* a soabã?’
4 Mam sẽn loog-b bal yee,
la m sẽn yã mam sẽn nong* a soabã.
Mam sog-a lame, la m pa na n bas-a t’a looge,
hal tɩ m tall-a n kẽng m ma wã roogẽ,+
n tɩ kẽes-a soab ning sẽn dog maamã ro-taoorẽ.
5 Zerizalɛm kom-pugli, mam kotame tɩ y wẽen
ne yãgsã la walsã sẽn be weoogẽ wã,
tɩ y pa na n bao n nek nonglem m sũurẽ, tɩ m nan pa rat ye.”+
6 “Bõe la sẽn yit we-raoogẽ wã n wat wa bug-zõos sẽn nusdi,
tɩ yũugã yaa wa miir* ne wisd sẽn yaa pɛɛlga,
la wa bõn-zom nins fãa toand sẽn koosd tɩ tar yũ-noodã?+
7 “Ad yaa a Salomo gãagã!
Gãndaad pis-yoob n gũbg-a.
B yãk-b-la Israyɛll gãndaadã sʋka.+
8 Bãmb fãa boba sʋʋse.
B fãa mii zabr sõma.
B ned kam fãa sʋʋg bee a sɛɛgẽ,
bũmb nins sẽn kẽesd rabeem yʋngã yĩnga.”
10 A maana a ra-lugsã ne wanzuri,
a nug-tikdsã ne a rɛlldgã maana ne sãnem,
t’a zaoondedgã maan ne rũms kõbd gĩs sẽn yaa miid-miidu.
B nagsa a pʋgã ne nonglem.
Zerizalɛm kom-pugli wã n nags-a.”
11 “Siyõ kom-pugli, yi-y-yã!
Ges-y rĩm a Salomo
sẽn fõg kãadem maanf ning a ma wã+ sẽn maan n kõ-a
a yi-kãadmã daarã,
a sũ-noogã daarã.”