A Salomo yɩɩllã sebre
4 “Hakɩɩka! M noanga, fo yaa neere.
Fo sɩd yaa neere!
Fo ninã sẽn be f peendã poorẽ wã yaa wa marwal nini.
Fo zoobdã yaa wa bʋʋs bãgr
sẽn be Galaad sigdsẽ wã n watẽ.+
2 “Fo yẽnã yaa wa piis b sẽn nan wõrse,
tɩ b yi zĩig ning b sẽn so-b koomã n watẽ.
A ye fãa tara a kinkir-taaga.
Pe-bil baa a ye pa paoog ye.
3 Fo no-bɩmsã yaa wa gĩs-moomde.
Fo goamã noomame.
Fo yɛgã f sẽn pil peendã yaa wa
gernaad tɩɩg bil b sẽn boke.
4 Fo yublã+ yaa wa a Davɩɩd gasgã,+
b sẽn me ne kug-rulsã.
B yagla gãnd tusr a zugu,
gãn-gils nins gãndaadã sẽn zɩtã fãa.+
6 “Nand tɩ zĩigã maage, la nand tɩ maasmã looge,
mam na n kẽnga miir* tãngã zugu,
la wisd sẽn yaa pɛɛlg kunkubrã zugu.”+
Yi Amana* tãngã zug n sigi,
yi Seniir tãngã zugu, Hɛrmo tãngã+ zug n sigi,
yi gɩgmã sẽn be zĩis ninsã, la ãbsã tãensẽ n wa.
9 M tãoa, m dolle!* Fo sooga mam sũurã.+
Fo sooga mam sũurã ne f ges-vuk bala,
ne f lo-yɛrgã kĩndf a yembr bala.
10 M tãoa, m dolle!* Fo nonglmã noomame.+
11 M dolle!* Fo no-bɩmsã tosda sɩɩd halaale.+
Sɩɩd ne bĩisim bee fo zɩlemdã tẽngre,+
tɩ fo futã yũug noom me yaa wa Libã weoogã yũugu.
12 M tãoa, m dolle!* Fo yaa wa zẽed zĩig b sẽn soge,
n-ye, wa zẽed zĩig b sẽn page, la ko-bundg zĩig b sẽn soge.
13 Fo tɩ-tobendã* yaa arzãn* sẽn pid ne gernaad tɩɩs
sẽn tar bi-sõma, ne gebi tɩɩs n paas naar* moodo,
14 naar+ ne safrã la kann+ n paas sinamon,+
la tɩɩs buud toor-toor b sẽn tar n maand wisd sẽn yaa pɛɛlga, miir* ne alowɛs+
la parfẽ nins fãa sẽn yaa sõma n yɩɩdã.+
15 Fo yaa wa ko-bundg sẽn be zẽed zĩigẽ, wa bulg koom sẽn maase,
la ko-zoetem sẽn yit Libã.+
16 Rɩtg sobgo, yiki!
Goabg sobgo, wa!
Wa-y n fug-y mam zẽedã zĩigẽ.
Bɩ a yũ-noogã ruki.”
“Bɩ m noangã wa a zẽedã zĩigẽ,
n dɩ a bi-noodã.”