A Salomo yɩɩllã sebre
7 “Bi-pugl sẽn tar yam-sõngo!
Fo naoã sẽn be f neooda wã pʋgẽ wã bee rasãnde.
Fo gɛyã yaa wa nag-teed sẽn yaa gilsi,
nug-tʋʋmd soab tʋʋmde.
2 Fo yũugã yaa wa la-gilga.
Bɩ divẽ b sẽn kalem ne bũmb da tol n paoog a pʋgẽ ye.
Fo pʋgã yaa wa bɩle-rʋr
sẽn be rulg-lɛlem sʋka.
3 Fo bĩis a yiibã yaa wa yãg-bi a yiibu,
yãk kamb sẽn yaa kinkirsi.+
4 Fo yublã+ yaa wa gasg sẽn maan ne wob-yẽna.+
Fo yõorã yaa wa Libã gasgã
sẽn tees Damaasã.
Fo zoobdã sobgã sẽn pemdã yõka rĩmã sũuri.
6 Fo yaa neer wʋsgo, m pʋg-sad nongre!
Fo bee rasãnd n yɩɩd bũmb nins fãa sẽn noogd sũurã.
7 Fo yasrã yaa wa koang tɩɩga,
tɩ f bĩisã yaa wa koang biis gĩna.+
8 Mam yeelame: ‘M na n dʋʋ koangã,
n gãd a wil nins sẽn tar biisã.’
Bɩ f bĩisã yɩ wa viyn biis gĩna,
tɩ f vʋʋsmã tall yũ-noog wa pomm-dãmba,*
9 tɩ f noorã* yɩ wa divẽ noom sẽn ka to.”
“Bɩ a sig saalg-saalg m noangã kokorẽ,
n zoe neb nins sẽn gõe wã no-bɩms zugu.
10 Mam yaa m noangã rẽnda,+
la yaa maam la a tʋlla.
12 Wa tɩ d yik yibeoog pĩnd n kẽng viyn pʋtẽ wã,
n tɩ ges viyn tɩɩsã sã n tobame,
la b sã n ninga puudu,+
la d ges gernaad tɩɩsã sã n ninga puudu.+
Be la mam na n wilg foom m nonglem.+
b paal la b kʋda.
M noanga, mam bĩng-b-la foom.