Yɩɩn-sõamyã sebre
Yɩɩlã taoor soab yĩnga. Yɩɩnda ne Yedutun.* A Azaf yɩɩlle.+
77 Mam na n zẽka m koɛɛg n bool Wẽnnaam.
Mam na n kelem n boola Wẽnnaam, t’a wʋm mam koɛɛgã.+
2 Mam yel-pakr daare, mam baooda a Zeova.+
Yʋngo, mam nusã zẽkdame n tees-a n pa sikdẽ ye.*
Ned pa tõe n bels maam* ye.
4 Yãmb pa basd tɩ mam ninã mum ye.
Mam maanda yɩɩr wʋsgo, n pa tõe n gom ye.
5 Mam tagsda hal pĩnd wẽndẽ yelle,+
yʋʋm nins sẽn loog hal daar zãrã yelle.
7 A Zeova na n daaga tõnd n bas wakat fãa yĩng bɩ?+
A pa na n tol n le zoe tõnd nimbãaneg la?+
8 A maan-neerã saa wakat fãa yĩng bɩ?
A pʋlengã na n lebga zaalem zãmaan woo zãmaan bɩ?
9 Wẽnnaam yĩmame n pa zoe tõnd nimbãaneg bɩ?+
A sũ-puugrã kɩtame t’a nimbãan-zoeerã sa bɩ? (Sela)
10 Mam yeta wakat fãa yaa: “Ad bũmb ning sẽn sãamd m sũurã:*+
Sẽn ka-a to wã toeema yam tõnd wɛɛngẽ.”
11 Mam na n tẽega a Zah tʋʋmã yelle.
Mam na n tẽega tʋʋm-kãsems nins yãmb sẽn tʋm hal pĩnd wẽndẽ wã yelle.
12 Mam na n bʋgsa yãmb tʋʋmã fãa zugu,
la m tags yãmb manesmã yelle.+
13 Mam Wẽnnaam, yãmb soayã yaa sõamyã.
Mam Wẽnnaam, wẽnnaam-bʋg n yaa kãseng wa yãmba?+
14 Yãmb n yaa Wẽnnaam sɩd-sɩdã, sẽn maand bõn-kãsemse.+
Yãmb wilga buud toɛy-toɛyã yãmb pãngã.+
16 Mam Wẽnnaam, ko-rãmbã yãa yãmba.
Ko-rãmbã yãa yãmba, n dãmbe.+
Ko-zulumsã gudgame.
17 Sawatã kiiga koom wʋsgo.
Sa-gãongã sẽn pid ne sawatã tãsame,
tɩ yãmb pɛɛmã ra pɩʋʋmd ka la ka.+