Yɩɩn-sõamyã sebre
Yɩɩlã taoor soab yĩnga. A Davɩɩd yɩɩlle.
13 Zeova, yãmb na n yĩma mam yell n ta rabʋre? Na n yɩɩ wakat fãa yĩng bɩ?
Yãmb na n solga maam y nengã n ta rabʋre?+
2 Mam* na n maana yɩɩre,
n kẽn ne sũ-sãang daar fãa n ta rabʋre?
Mam bɛyã na n tõogda maam tɩ ta rabʋre?+
3 Mam Wẽnnaam a Zeova, ges-y maam la y leok-ma.
Kɩt-y tɩ m ninã yã vẽenem, sẽn na yɩl tɩ m da wa ki,*
4 tɩ m bɛyã yeele: “Mam tõog-a lame!”
Ra bas-y tɩ m zabd-n-taasã kɩdem sũ-noog m lʋɩɩsã yĩng ye.+
5 Sã n yaa ne maam, mam teega yãmb maan-neerã.+
Yãmb sẽn na n fãag maam wakat ningã, mam sũurã na n yɩɩ noogo.+
6 Mam na n yɩɩl n pẽga a Zeova, bala a keoo maam wʋsgo.+