Yɩɩn-sõamyã sebre

115 Tõnd pa segd ne baa fʋɩ ye, Zeova, tõnd pa segd ne baa fʋɩ ye.*

La bɩ y kɩt tɩ y yʋʋrã paam ziiri,+

yãmb maan-neerã la y kɩs-sɩdã yĩnga.+

 3 Tõnd Wẽnnaamã bee saasẽ.

A maanda bũmb ning fãa sẽn noom-a.

 4 Bu-zẽmsã bõn-naandsã yaa wanzuri la sãnem,

n yaa ninsaalb nus tʋʋmde.+

 5 B tara noya, la b pa tõe n gom ye.+

B tara nini, la b pa tõe n yã ye.

 6 B tara tʋba, la b pa tõe n wʋm ye.

B tara yõya, la b pa tõe n wʋm yũug ye.

 7 B tara nusi, la b pa tõe n sɩɩs bũmb ye.

B tara nao, la b pa tõe n kẽn ye.+

Rãamd baa bilf pa yit b kokoyẽ wã ye.+

 8 Neb nins sẽn maand bãmbã na n lebga wa bãmba.+

Neb nins fãa sẽn teegd-bã me na n lebga wa bãmba.+

 9 Israyɛll neba, teeg-y-yã a Zeova.+

A yaa yãmb sõangda, la y gãongo.+

10 A Aarõ+ roogã rãmba, teeg-y-yã a Zeova.

A yaa yãmb sõangda, la y gãongo.

11 Yãmb a neb nins sẽn zoet a Zeova wã, teeg-y-yã a Zeova.+

A yaa yãmb sõangda, la y gãongo.+

12 A Zeova tẽegda tõnd yelle, n na n ning-d barka.

A na n ninga a Israyɛll roogã rãmb barka.+

A na n ninga a Aarõ roogã rãmb barka.

13 A Zeova na n ninga sẽn zoet-b yẽ wã barka,

b nin-kãsems la b nin-bõonego.

14 A Zeova na n kɩtame tɩ yãmb sõorã fɩɩge,

yãmb ne y kambã* fãa.+

15 Bɩ a Zeova ning-y barka.+

Bɩ saasã la tẽngã Naandã+ ning-y barka.

16 Saasã yaa a Zeova n so,+

la a rɩka tẽngã n kõ ãdem-biisã.+

17 Sẽn ki-bã pa pẽgd a Zah ye.+

Sẽn be-b yaoogẽ wã* ned baa a ye pa tõe n maan dẽ ye.+

18 La tõnd na n pẽga a Zah

masã tɛka, la wakat fãa yĩnga.