Bʋ-kaoodbã sebre

4 A Ewuud kũumã poore, Israyɛll nebã le maana sẽn yaa wẽng a Zeova nifẽ.+ 2 Dẽ, a Zeova basa bãmb Kanaã rĩm a Yabin+ sẽn da rɩt naam Hazoorã nugẽ. A tãb-biisã naabã yʋʋr da yaa a Sisera sẽn be Harosɛt-goyimmã.+ 3 Israyɛll nebã kelem n boola a Zeova,+ bala a Yabin ra tara zabr saar-dãmb* kobs-wɛ sẽn tar sʋ-wogd b naoẽ wã.+ A namsa Israyɛll nebã+ ne toom yʋʋm pisi.

4 A Lapidot pag a Deboora sẽn yaa no-rɛɛs-poakã+ n da kaood Israyɛll bʋʋd* wakat kãnga. 5 A ra nong n zĩi a koangã tẽngr* Rama+ ne Betɛll+ sʋka, Efrayim soolmã zĩig ning sẽn yaa tãensã. Israyɛll nebã ra rabda a nengẽ, t’a kaood b bʋʋdo. 6 A tʋma neb Kedɛɛs-naftali+ tɩ b tɩ bool a Barak+ sẽn yaa a Abinowam biigã, t’a yeel-a yaa: “A Zeova sẽn yaa Israyɛll Wẽnnaamã pa kõ noor sɩda? ‘Yik n kẽng* Taboor tãngẽ wã, la f yãk rap tus-piig Naftali ne Zabulõ buudã pʋgẽ tɩ b tũ foo. 7 Mam na n talla a Sisera sẽn yaa a Yabin tãb-biisã naabã n wa fo nengẽ Kison kosoogẽ* wã,+ n paas a zabr saar-dãmbã ne a tãb-biisã, la m na n ning-a-la fo nugẽ.’”+

8 Rẽ la a Barak yeel-a yaa: “Fo sã n na n yãaga maam, m na n kẽngame. La f sã n pa na n yãag maam, m pa na n kẽng ye.” 9 T’a leoke: “Hakɩɩka, mam na n yãaga foo. La zabr ning fo sẽn na n zabã pa na n kõ foo ziir ye. Bala a Zeova na n ninga a Sisera pag nugẽ.”+ Dẽ, a Deboora yikame n yãag a Barak Kedɛɛse.+ 10 A Barak tigma Zabulõ ne Naftali buudã+ neb Kedɛɛse, la rap tus-piig n tũ yẽnda. A Deboora me tũu yẽnda.

11 Kɛn ned a Hebɛɛr da welga ne Kɛn neb+ a taabã sẽn yaa a Moyiiz rɛɛmb+ a Hobaab yagensã, la a tɩ tilga a fu-roogã tɩ-bedrã sɛɛga, Zaananim sẽn be Kedɛɛsã.

12 Neb n tɩ yeel a Sisera t’a Abinowam biig a Barak rʋʋ Taboor tãngã.+ 13 Zĩig pʋgẽ, a Sisera tigma a zabr saar-dãmbã fãa, rat n yeel tɩ saar-dãmb kobs-wɛ sẽn tar sʋ-wogd b naoẽ wã, ne a tãb-biisã fãa sẽn da be ne yẽ Harosɛt-goyimmã, tɩ b kẽng Kison kosoogẽ* wã.+ 14 A Deboora yeela a Barak yaa: “Yiki, bala yaa rũndã la a Zeova na n ning a Sisera fo nugẽ. A Zeova pa lʋɩt fo taoor sɩda?” La a Barak ne rap tus-piigã sẽn tũud yẽ wã yii Taboor tãngã zug n sigi. 15 A Zeova kɩtame t’a Sisera ne a zabr saar-dãmbã la a tãb-biisã fãa yirb+ a Barak taoore. La a Sisera wa n baas n siga a saarã zug n zoe ne nao. 16 A Barak zoe n pʋgla zabr saar-dãmbã la tãb-biisã n tãag hal Harosɛt-goyim. Woto, b kʋʋ a Sisera tãb-biisã fãa ne sʋʋga. Ned baa a ye pa põs ye.+

17 La a Sisera zoee ne nao n kẽng Kɛn ned a Hebɛɛr+ pag a Zayɛll+ fu-roogã sẽn beẽ wã, bala laafɩ ra bee Hazoor dĩm a Yabin+ ne Kɛn ned a Hebɛɛr zakã rãmb sʋka. 18 Dẽ, a Zayɛll yiime n seg a Sisera n yeel-a yaa: “Wa-y n kẽ-y-yã m zu-soaba. Wa-y n kẽ-y ka. Ra zoe-y rabeem ye.” Yẽ kẽe a Zayɛll fu-roogẽ wã, t’a pil-a ne fu-goabga. 19 Dẽ, a yeel-a lame yaa: “M bõos tɩ f kõ-m koom bilf tɩ m yũ, bala ko-yũud n tar-ma.” A Zayɛll lodga waoog sẽn be ne bĩisim n kõ-a t’a yũ.+ Rẽ poore, a lebs n pil-a lame. 20 A yeela a Zayɛll yaa: “Yals fu-roogã noore, la ned sã n wa sok foo tɩ ‘rao ka be ka,’ bɩ f yeel tɩ ‘ayo!’”

21 La a Hebɛɛr pag a Zayɛll rɩka fu-roog baaf ne magto. Dẽ, a Sisera sẽn wa n gõe tamm a sẽn yɛ wã yĩngã, a soosame n kolg-a n kõs a kɩgdgã, n pãb tɩ kẽ tẽngã, la a kiime.+

22 A Barak sẽn da baood a Sisera wã taa be, t’a Zayɛll yi n seg-a n yeel-a yaa: “Wa tɩ m na n wilga foo rao ning fo sẽn gẽesdã.” A tũ-a lame n kẽ, n yã a Sisera sẽn ki n gãe, tɩ fu-roogã baaf sel a kɩgdgã.

23 Woto, Wẽnnaam kɩtame tɩ Israyɛll nebã tõog Kanaã rĩm a Yabin baraare.+ 24 Israyɛll nebã ra paamda pãng Kanaã rĩm a Yabin+ zug n paasdẽ, hal tɩ b wa tõog n sãam-a.+