Yɩɩn-sõamyã sebre

 2 Sawat ne lik bida n gũbg-a zĩig fãa.+

A naamã geer yẽbga tɩrlem ne zemsg zugu.+

 3 Bugum n yit a taoore,+

n dɩt a zabd-n-taasã zĩig zãnga.+

 4 A sa-yãgbã vẽnegda dũniyã.

Tẽngã yãa rẽ n digda.+

 5 Tãensã yẽnegda wa siribd* a Zeova taoore,+

tẽngã tõr Zu-soabã taoore.

 6 Saasã moonda a tɩrlmã.

Buud toɛy-toɛyã fãa nee a ziirã.+

 7 Bɩ neb nins fãa sẽn waoogd bõn-naandg buud fãa b sẽn peesã paam yãnde,+

neb nins sẽn wukd b mens ne b wẽn-faadã.+

 8 Siyõ wʋmdame la a kɩdemd sũ-noogo.+

Zeova, Zida tẽnsã* maanda sũ-noogo,

yãmb bʋ-kaoor toor-toorã yĩnga.+

 9 Bala yãmb a Zeova, yãmb n yaa sẽn ka to dũniyã fãa.

Yãmb zẽkame n yɩɩd wẽnnaam-dãmb a taabã fãa hal zĩig sẽn zãre.+

A kogenda sẽn maand-b sɩd ne-a wã vɩɩm.*+

A fãagda bãmb nin-wẽnsã nusẽ.*+

11 Vẽenem puka nin-tɩrsã yĩnga.+

Sũ-noog waa neb nins sũy sẽn yaa tɩrsã yĩnga.

12 Yãmb a nin-tɩrse, kɩdm-y sũ-noog a Zeova yĩnga.*

Pẽg-y-yã a yʋʋrã sẽn yaa sõngã.