Kibayã pipi sebre
16 Woto, bãmb talla Wẽnnaam Koglgã n kẽes fu-roog ning a Davɩɩd sẽn tilg a yĩngã pʋgẽ.+ La b maana maand sẽn yõogd bugum, la zems-n-taar maand Wẽnnaam taoore.+ 2 A Davɩɩd sẽn maan maand sẽn yõogd bugmã+ ne zems-n-taar maandã+ n sa wã, a ninga nin-buiidã bark ne a Zeova yʋʋre. 3 Sẽn paase, a kõo Israyɛll nebã fãa, rapã la pagbã fãa bur-gilsi, Mak kɛgl-gila, la viyn biis b sẽn kʋɩɩs n gili. 4 Dẽ, yẽ yãka Levi buudã neb kẽer tɩ b na n tʋmd a Zeova Koglgã taoore,+ la b waoogd Israyɛll Wẽnnaam a Zeova,* n pʋʋsd-a bark la b pẽgd-a. 5 Yaa a Azaf+ n da yaa taoor soaba, tɩ yiib-n-soabã yaa a Zakari, t’a Yeyɛll, a Semiramot, a Yeyiyɛll,+ a Matitiya, a Eliyaab, a Benaya, a Obɛɛd-edom la a Yeyɛll ra reemd ne yʋʋm-teed sẽn tar rissi, la pendse.+ A Azaf ra wẽeda waase,+ 6 tɩ maan-kʋʋdb a Benaya ne a Yahaziyɛll ra peebd tãntãad Wẽnnaam kaoolã koglg taoor wakat fãa.
7 Yɩɩ baraar la a Davɩɩd gʋls bark pʋʋsg yɩɩll a Zeova yĩng pipi, n kɩt t’a Azaf+ ne a ba-biisã yɩɩl n yeele:
10 Pẽg-y y mens a yʋʋrã sẽn yaa sõngã yĩnga.+
Bɩ sẽn baood-b a Zeova wã kɩdem sũ-noogo.+
11 Bao-y-yã a Zeova,+ la y bao a pãngã.
Bao-y-yã a nengã wakat fãa.+
12 Tẽeg-y tʋʋm-kãsems nins a sẽn tʋmã yelle,+
a yel-soalmã la a sẽn kao bʋʋd to-to wã yelle,
13 yãmb sẽn yaa a tʋm-tʋmd a Israyɛll yagense,+
yãmb a Zakoob kom-dibli wã sẽn yaa neb nins a sẽn yãkã.+
14 Yẽ yaa tõnd Wẽnnaam a Zeova.+
A bʋ-kaoor toor-toorã tata dũniyã tɛk fãa.+
15 Tẽeg-y-yã a kaoolã yell wakat fãa,
pʋleng ning a sẽn pʋlmã* zãmaan tusr yĩnga,+
16 rat n yeel tɩ kaool ning a sẽn maan ne a Abrahaamã,+
la wẽeneg ning a sẽn wẽen a Izaakã.+
17 A kɩtame tɩ wẽen-kãng lebg noor a Zakoob yĩnga,+
la kaool sẽn paad wakat fãa a Israyɛll yĩnga.
18 A yeelame: ‘Mam na n kõo yãmb Kanaã soolmã,+
tɩ yɩ pʋɩɩr b sẽn kõ yãmba.’+
19 Wakat kãng tɩ yãmb sõorã paoodame.
N-ye, yãmb sõorã sɩd ra paooda wʋsgo, tɩ y ra yaa sãamb soolmã pʋgẽ me.+
20 Bãmb da yita buud a ye pʋgẽ n kẽng buud a to pʋgẽ,
la rĩung a ye pʋgẽ n kẽng buud a to pʋgẽ.+
21 Wẽnnaam pa sak tɩ ned baa a ye nams-b ye.+
La yẽ zaba rĩm-dãmb bãmb yĩnga,+
22 n yeele: ‘Ra sɩɩs-y mam sẽn yãk b rãmbã* ye.
Ra maan-y m no-rɛɛsdbã wẽng ye.’+
23 Bɩ dũniyã fãa yɩɩl a Zeova yĩnga!
Bɩ b moon a fãagrã daar ne a to fãa!+
24 Moon-y-yã a ziirã bu-zẽmsã sʋka,
la a tʋʋm-kãsemsã buud toɛy-toɛyã fãa sʋka.
25 Bala a Zeova yaa kãsenga, n segd ne pẽgr wʋsgo.
Yaa yẽ la b segd n zoe la b waoog n yɩɩd wẽnnaam-dãmb a taabã fãa.+
28 Yãmb a buud toɛy-toɛyã rot rãmba, kõ-y-yã a Zeova bũmb ning a sẽn segd ne wã.
Kõ-y-yã a Zeova a sẽn segd ne bũmb ningã, a ziirã la a pãngã yĩnga.+
Wõgemd-y-yã a Zeova taoor* ne fut sẽn yaa sõamyã.*+
30 Bɩ dũniyã fãa rig a taoore!
Tẽngã lugla kãn-kãe, tɩ bũmb pa tõe n yẽrg-a ye.*+
31 Bɩ saasã kɩdme, la bɩ tẽngã maan sũ-noogo.+
Moon-y buud toɛy-toɛyã sʋk n yeel yaa: ‘A Zeova lebga Rĩma!’+
32 Bɩ mogrã ne bũmb ning fãa sẽn be a pʋgẽ wã tãse,
la bɩ wetã ne bũmb ning fãa sẽn be b pʋsẽ wã kɩdme.
33 Bɩ tɩɩsã sẽn be kãgrẽ wã naag taab n kaas ne sũ-noog a Zeova taoore,
bala a watame* n na n kao dũniyã bʋʋdo.
35 Yeel-y yaa: ‘Tõnd Wẽnnaam sẽn yaa d fãagda,+ fãag-y tõndo.
Tigm-y tõnd n fãag-d bu-zẽmsã nusẽ,
tɩ d tõog n pẽg yãmb yʋʋrã sẽn yaa sõngã,+
la d pẽg yãmb ne sũ-noogo.+
La nin-buiidã fãa yeelame yaa: “Ãmiina!”* La bãmb pẽga a Zeova.
37 Rẽ poore, a Davɩɩd basa a Azaf+ ne a ba-biisã a Zeova kaoolã koglgã taoore, tɩ b na n tʋmd Koglgã taoor wakat fãa,+ wa sẽn zems daar fãa tʋʋmã.+ 38 A Obɛɛd-edom ne a ba-biisã sõor da yaa bãmb pis-yoob la a nii, tɩ bãmb ne a Yedutun biig a Obɛɛd-edom la a Hooza ra yaa rigno-gũudba. 39 Maan-kʋʋd a Zadok+ ne a maan-kʋʋd-taasã ra bee a Zeova sɛk-roogã taoor Gabawõ+ zĩ-zãntgẽ* wã, 40 n na n maand maand sẽn yõogd bugum, maoong sẽn yõogd bugmã tẽn-kugr zug wakat fãa n kõt a Zeova, yibeoog ne zaabre, la b tũud bũmb ning fãa b sẽn gʋls a Zeova Tõogã pʋgẽ wã, tõog ning a sẽn da kõ Israyɛll nebã.+ 41 A Heman ne a Yedutun+ la rap nins b sẽn yãkã kellã ra bee ne bãmba, n na n pʋʋsd a Zeova barka,+ bala “a maan-neerã paada wakat fãa.”+ 42 A Heman+ ne a Yedutun ra bee ne bãmba, n na n peebd tãntãado, n wẽed waase, la b reemd ne yʋʋm-teed nins b sẽn tar n pẽgd Wẽnnaamã. La a Yedutun kom-dibli+ wã ra bee rignoorẽ wã. 43 Nin-buiidã fãa leba b zagsẽ, t’a Davɩɩd kuil n na n tɩ ning a yirã rãmb barka.