Ezekɩyɛll sebre
28 A Zeova le goma ne maam n yeele: 2 “Ninsaal biiga, yeel Tɩɩr taoor soabã yaa: ‘Ad a Zeova sẽn yaa Zu-soab sẽn ka to wã sẽn yeele:
“Fo sẽn lebg wuk-m-meng soabã+ yĩnga, fo yetame yaa: ‘Mam yaa wẽnde.
Mam zaoo wẽnd geer zug mogrã sʋka.’+
La baa fo sẽn tagsd f sũurẽ tɩ fo yaa wẽnnaamã,
fo yaa ninsaal bala. Fo pa wẽnd ye.
3 Fo tagsdame tɩ f tara yam n yɩɩd a Dãniyɛlle,+
la tɩ yel-soalgdg kae n solg ne foo ye.
4 Fo yamã ne f yam-vẽenemã maasem yĩnga, fo lebga arzɛk soaba.
Fo bĩngda sãnem la wanzuri fo laogã bĩngr zĩisẽ wakat fãa.+
5 Fo sẽn mi leebg sõma wã kɩtame tɩ f paam arzɛk wʋsgo.+
Fo arzɛkã kɩtame tɩ f sũurã pid ne wuk-m-menga.”’
6 “‘Woto wã, ad a Zeova sẽn yaa Zu-soab sẽn ka to wã sẽn yeele:
“Fo sẽn tagsd f sũurẽ wã tɩ f yaa wẽndã yĩnga,
7 mam na n kɩtame tɩ sãamb wa zab ne foo. Yaa buud ning neb sẽn yaa toos n yɩɩdã.+
B na n wõo b sʋʋsã n sãam bõn-neeb nins fãa fo yamã sẽn kɩt tɩ f paamã,
la b sãam f neermã.+
9 Wakat kãnga, fo na n yeela ned ning sẽn kʋʋd foomã tɩ f yaa wẽnd sɩda?
Neb nins sẽn dẽgemd foomã nusẽ, fo pa na n yɩ wẽnd ye. Fo na n yɩɩ ninsaal bala.”’
10 ‘Sãambã nusẽ, fo na n kii wa sẽn pa kẽ-b bãongã,
bala yaa mam mengã n gome.’ Yaa a Zeova sẽn yaa Zu-soab sẽn ka to wã n yeele.”
11 A Zeova le goma ne maam n yeele: 12 “Ninsaal biiga, yɩɩl sũ-sãang yɩɩll* Tɩɩr dĩmã wɛɛngẽ, n yeel-a yaa: ‘Ad a Zeova sẽn yaa Zu-soab sẽn ka to wã sẽn yeele:
13 Fo ra bee Edɛn sẽn yaa Wẽnnaam zẽed zĩigã.
B ra nagsa foo ne kug-neeb buud fãa:
Yaa rubi, topaaze, zaspe,
kirzoliti, onigsi, zaade, safɩɩre, tirkowaaz+ la emeroode.
B maana bũmb nins pʋsẽ b sẽn sagã, ne bũmb nins sẽn gãd-bã ne sãnem.
B segl-b-la fo naanegã daare.
14 Mam da kɩtame tɩ fo yaa seribẽ ning b sẽn yãk* t’a kogendẽ wã.
Fo ra bee Wẽnnaam tãn-sõngẽ wã,+ n kẽnd kug sẽn wit bugum sʋka.
15 Daar ning b sẽn naan foomã tɛka, fo ra pa tar taal f manesmã pʋgẽ,
n tãag wakat ning b sẽn yã bũmb sẽn yaa kɛgr fo nengẽ wã.+
Rẽ n so tɩ mam na n dig foo n yiis Wẽnnaam tãngã zug la m sãam-fo,+ fo sẽn yaa rẽgdã yĩnga.
Foom a seribẽ sẽn kogende, mam na n diga foo n yiis bugmã kug sʋka.
17 Fo neermã kɩtame tɩ f sũurã pid ne wuk-m-menga.+
Fo ziirã sẽn yaa wʋsgã yĩnga, fo sãama f yamã.+
Mam na n loba foo tẽnga.+
Mam na n kɩtame tɩ fo lebg bõn-gɛtg rĩm-dãmb taoore.
18 Fo sẽn tar taal wʋsg la f leebd ne zãmbã yĩnga, fo rẽgma f wẽnd-dotã.
Mam na n kɩtame tɩ bugum widg fo pʋgẽ n dɩ foo.+
Mam na n kɩtame tɩ fo lebg tompɛglem tẽngã zugu, neb nins fãa sẽn get foomã taoore.
19 Buud toɛy-toɛyã sʋka, neb nins fãa sẽn da mi foomã na n gesa foo ne lingri.+
Fo saabã na n yɩɩ zĩig pʋgẽ. A na n yɩɩ toaaga.
Fo na n menema wakat fãa yĩnga.”’”+
20 A Zeova le goma ne maam n yeele: 21 “Ninsaal biiga, wẽnemd f neng n tees Sɩdõ,+ n togs bãngr-gomd n ning-a taale. 22 Fo segd n yeelame yaa: ‘Ad a Zeova sẽn yaa Zu-soab sẽn ka to wã sẽn yeele:
“Foom a Sɩdõ, mam na n zaba ne foo. Mam na n paama waoogr fo pʋgẽ.
Mam sã n wa sɩbg foo, la m wilg tɩ m yaa Wẽnnaam sẽn yaa sõngo, nebã fãa na n bãngame tɩ mam yaa a Zeova.
23 Mam na n kɩtame tɩ bã-loangdg wa fo pʋgẽ. Zɩɩm na n zoee fo soayã zutu.
B sã n wa tall sʋʋs n yi zĩig fãa n wa zabd ne foo, b sẽn na n kʋ b rãmbã na n lʋɩɩ fo pʋgẽ.
Woto, nebã na n bãngame tɩ mam yaa a Zeova.+
24 “‘“Dẽ, gõos sẽn pogende, la sẽn kõsd tɩ zabdẽ pa na n le gũbg Israyɛll buudã neba,+ rat n yeel tɩ neb nins sẽn yaand Israyɛll buudã nebã. Woto, nebã na n bãngame tɩ mam yaa a Zeova sẽn yaa Zu-soab sẽn ka to wã.”’
25 “‘Ad a Zeova sẽn yaa Zu-soab sẽn ka to wã sẽn yeele: “Mam sã n le wa tigim Israyɛll buudã neb n yiis buud toɛy-toɛy nins sʋk b sẽn sãeegã,+ mam na n paama waoogr b sʋk bu-zẽmsã nifẽ.+ B na n zĩnda b soolmã+ mam sẽn kõ m tʋm-tʋmd a Zakoobã+ pʋgẽ. 26 B na n zĩnda be ne bãane,+ n me rot la b sel viyn tɩɩse.+ Mam sã n wa sɩbg buud nins fãa sẽn gũbg-b n yaand-bã, b na n zĩnda ne bãane.+ Woto, b na n bãngame tɩ mam yaa b Wẽnnaam a Zeova.”’”