A Davɩɩd yɩɩlle. Yɩɩ a sẽn wa n maan wa a yaa gãeeng+ a Abimelɛk taoore, t’a Abimelɛk rig-a t’a loogã.
א [Aleph]
34 Mam na n pẽga a Zeova wakat fãa.
A pẽgrã na n zĩnda mam noorẽ wakat fãa.
ב [Beth]
2 Mam na n pẽga m meng a Zeova pʋgẽ.+
Sik-m-mens rãmbã na n wʋmame, n kɩdem sũ-noogo.
ג [Gimel]
3 Naag-y maam n waoog a Zeova.+
Bɩ d naag taab n kils a yʋʋrã.
ד [Daleth]
4 Mam boola a Zeova, t’a leok maam.+
A fãaga maam ne bũmb nins fãa sẽn da kẽesd-m rabeemã.+
ה [He]
5 Neb nins sẽn ges-a wã paama sũ-noogo.
B pa tõe n ning-b yãnd ye.
ז [Zayin]
6 Nimbãan-nedã boolame, t’a Zeova wʋme.
A fãag-a-la a zu-loeesã fãa pʋgẽ.+
ח [Heth]
7 A Zeova malɛkã kogenda neb nins sẽn zoet-a wã,+
n fãagd-ba.+
ט [Teth]
8 Lemb-y-yã a Zeova n bãng t’a yaa noogo.+
Sũ-noog soab la ned ning sẽn soonded a nengẽ wã.
י [Yod]
9 Yãmb a Zeova nin-sõamyã wã fãa, zoe-y-yã-a,
bala bũmb pa paoogd sẽn zoet-b yẽ wã ye.+
כ [Kaph]
10 Kom yõka baa gɩgem-poal sẽn tar pãnga.
La bõn-sõng pa na n paoog neb nins sẽn baood a Zeova wã ye.+
ל [Lamed]
11 M kamba, wa n kelg-y maam.
Mam na n zãmsa yãmb a Zeova zoeese.+
מ [Mem]
12 Ãnda n be yãmb sʋkã n nong vɩɩmã,
la a rat n vɩɩmd n kaoos ne sũ-noogo?+
נ [Nun]
13 Sã n yaa rẽ bɩ f gũus tɩ f zɩlemd ra gom wẽnga,+
la tɩ f no-bɩmsã ra gom belgr goam ye.+
ס [Samekh]
14 Bas sẽn yaa wẽnga, la f maan sẽn yaa sõma.+
Bao laafɩ, la f mao wakat fãa tɩ laafɩ zĩndi.+
ע [Ayin]
15 A Zeova nin bee nin-tɩrsã zutu,+
t’a tʋbã kelgd b sẽn kelemd n kot sõngrã.+
פ [Pe]
16 La a Zeova zabda ne sẽn maand-b wẽngã,
n na n kɩt tɩ nebã yĩm b yell fasɩ tẽngã zugu.+
צ [Tsade]
17 Nin-tɩrsã kelmame, t’a Zeova wʋme.+
A fãag-b-la b zu-loeesã fãa pʋgẽ.+
ק [Qoph]
18 A Zeova pẽe sũ-sãams rãmbã.+
A fãagda neb nins raood sẽn komsã.+
ר [Resh]
19 Nin-tɩrg zu-loees yaa wʋsgo,+
la a Zeova fãagd-a-la b fãa pʋsẽ.+
ש [Shin]
20 A kogenda a kõabã fãa.
A kõbr baa a ye pa kaoog ye.+
ת [Taw]
21 Yel-beed n na n kʋ nin-wẽnsã.
B na n ninga sẽn kis-b nin-tɩrsã taale.
22 A Zeova fãagda a tʋm-tʋmdbã vɩɩm.
B pa na n ning sẽn wat-b n soonded a nengẽ wã ned baa a ye taal ye.+