Yɩɩn-sõamyã sebre
A Zeera yageng a Etan maskɩlle.*+
89 Mam na n yɩɩlame n gom a Zeova sẽn wilgd maan-neer to-to wã yell wakat fãa yĩnga.
M na n talla m noorã n kɩt tɩ zãmaan toɛy-toɛyã fãa bãng yãmb kɩs-sɩdã.
3 Wẽnnaam yeelame: “Mam maana kaool ne m sẽn yãk a soabã.+
Mam wẽename n yeel m tʋm-tʋmd a Davɩɩd+ yaa:
4 ‘Mam na n kɩtame tɩ f yagensã+ pa wakat fãa yĩnga.
Mam na n kɩtame tɩ f naamã geer paam pãng wakat fãa.’”+ (Sela)
5 Zeova, saasã pẽgda yãmb tʋʋm-kãsemsã.
Saasã pẽgda yãmb kɩs-sɩdã nin-sõamyã* wã tiging pʋgẽ.
6 Bala ãnda n be saasẽ tɩ b tõe n dɩk-a n mak ne a Zeova?+
Wẽnnaam kom-dibli wã+ sʋka, bʋg n yaa wa a Zeova?
7 Nin-sõamyã wã+ tigsg pʋgẽ, b zoeta Wẽnnaam.
A yaa kãsenga, tɩ sẽn gũbg-b yẽ wã zoet-a la b waoogd-a.+
8 Wẽnnaam a Zeova sẽn yaa tãb-biis naaba,
ãnda n yaa pãng soab wa yãmb a Zah?+
Yãmb kɩs-sɩdã gũbga yãmba.+
10 Yãmb tõoga Rahaab+ soolmã n kɩt t’a lebg wa ned b sẽn kʋ.+
Ne yãmb kangã sẽn tar pãngã, yãmb sãeega y bɛɛbã.+
11 Saasã yaa yãmb n so, tɩ tẽngã me yaa yãmb n so.+
Tẽn-gãongã ne bũmb nins sẽn be a zugã+ yaa yãmb n naane.
15 Sũ-noog rãmb la neb nins sẽn mi sũ-noog kaasgã.+
Zeova, b kẽnda yãmb nengã vẽenemẽ.
16 B kɩdemda sũ-noog yãmb yʋʋrã pʋgẽ daarã tõre.
Yãmb tɩrlmã yĩnga, b paamda waoogre.
18 Bala tõnd gãongã yaa a Zeova n so.
Tõnd rĩmã yaa Israyɛll Sõng soabã n so.+
19 Wakat kãnga, yãmb goma ne sẽn maand-b sɩd ne yãmbã vẽnegr pʋgẽ, n yeele:
21 Mam nugã na n teel-a lame.+
Mam kangã na n kõ-a-la pãnga.
25 Mam na n ninga a nugã mogrã zugu,
la m ning a nug-rɩtgã kʋɩlsã zutu.+
26 A na n zẽka a koɛɛg n bool maam n yeele: ‘Yãmb yaa mam Ba,
mam Wẽnnaam, la m fãagr Pĩig kugri.’+
28 Mam na n kell n maan-a-la neer wakat fãa yĩnga.+
Kaool ning mam sẽn maan ne-a wã pa na n tol n vaal ye.+
29 Mam na n kɩtame t’a yagensã pa wakat fãa yĩnga,
la m kɩt t’a naamã geer kaoos wa saasã.+
30 A yagensã sã n bas mam tõogã,
n pa kẽn wa sẽn zems mam noyã,*
31 b sã n kɩɩs mam tõodã,
la b pa sak mam noyã,
32 mam na n sɩbg-b-la ne rasaar+ b kɩɩsgã* yĩnga,
la m pãb-b ne kalwaas b beegrã yĩnga.
33 La mam pa na n tol n bas n pa maan a Davɩɩd neere,+
wall m pa pids m pʋlengã ye.
35 Mam wẽena m sõmblmã pʋgẽ vugr wakat fãa yĩnga.
Mam pa na n yag a Davɩɩd ziri ye.+
37 A geerã na n lugla kãn-kãe wakat fãa yĩng wa kiuugã
sẽn yaa kaset soab sẽn maand sɩd sa-gãnẽ wã.” (Sela)
38 Baasgo, yãmb mengã zãgs-a lame, la y raag-a n base.+
Yãmb sũurã yika wʋsg ne yãmb sẽn yãk* a soabã.
39 Yãmb basa kaool ning yãmb sẽn maan ne y tʋm-tʋmdã.
Yãmb loba a maanfã tẽnga, n sãam-a.
40 Yãmb luba a lalsã sẽn me ne kugã fãa.
Yãmb sãama a lalsã tɩ b lebg raboogo.
41 Neb nins fãa sẽn tũud be wã zɛɛ a paoongã.
A yagsã tʋʋd-a lame.+
43 Yãmb kɩtame me t’a leb poorẽ ne a sʋʋgã.
Yãmb kɩtame t’a kong zabrã.
44 Yãmb kɩtame t’a ziirã sa,
la y lob a naamã geer tẽnga.
45 Yãmb booga a bi-bɩɩlem wakatẽ dayã sõore.
Yãmb kɩtame t’a paam yãnd wʋsgo. (Sela)
46 Zeova, yãmb na n solga y nengã n ta rabʋre? Na n yɩɩ wakat fãa yĩng bɩ?+
Yãmb sũurã sẽn puugã na n kell n dɩɩ wa bugum bɩ?
47 Tẽeg-y mam yõorã sẽn yaa koɛɛg to-to wã yelle!+
Yɩɩ zaalem yĩng la yãmb sẽn naan ninsaalbã fãa wã bɩ?
48 Nin-bʋg n tõe n vɩɩmd n pa tol n ki?+
A tõe n yiisa a meng* Yaoogã* pãngẽ sɩda? (Sela)
49 Zeova, yãmb pĩnd maan-neer tʋʋmã bee yɛ?
Maan-neer ning wɛɛngẽ yãmb sẽn gom ne a Davɩɩde, n wẽen y kɩs-sɩdã pʋgẽ wã bee yɛ?+
50 Zeova, tẽeg-y tʋy nins b sẽn tʋ yãmb tʋm-tʋmdbã yelle.
Tẽeg-y tɩ mam segd n tõoga toog nin-buiidã fãa tʋyã yĩnga.
51 Zeova, tẽeg-y yãmb bɛɛbã tʋyã yelle.
Tẽeg-y b sẽn tʋʋd yãmb sẽn yãk* a soabã to-to, a sẽn kẽngẽ fãa wã.
52 Bɩ a Zeova paam pẽgr wakat fãa yĩnga. Ãmiina. Ãmiina.+