Yɩɩn-sõamyã sebre

142 Mam zẽka m koɛɛg n boond a Zeova n kot sõngre.+

Mam zẽka m koɛɛg n kot a Zeova t’a zoe m nimbãanega.

 2 Mam pelgda m pʋg n togs-a m yɩɩrã.

Mam gomda m sũ-sãangã yell a taoore,+

 3 mam pãngã* sẽn wat n sa m pʋgẽ wã.

B solgda bẽdg mam yĩng

sor ning mam sẽn kẽndã zugu.

 4 Ges-y mam nug-rɩtgã, tɩ y na n yãame

tɩ ned baa a ye pa get mam yell ye.*+

Zĩig kae m sẽn tõe n zoe n kẽng ye.+

Mam* yell pa pak ned baa a yembr ye.

Mam yetame: “Yãmb yaa mam soondg zĩiga.+

Yaa yãmb bal la mam tar* nin-vɩɩsã soolmẽ.”

 6 Kelg-y mam sẽn kelemd n kot sõngrã,

bala mam pãngã saa zãnga.

Fãag-y maam sẽn namsd-b maamã nusẽ,+

bala b pãngã yɩɩda maam.

 7 Yiis-y maam* zĩ-kãngã sẽn wõnd bãens roogã pʋgẽ,

sẽn na yɩl tɩ m pẽg yãmb yʋʋrã.

Bɩ nin-tɩrsã gũbg maam,

bala yãmb maanda maam neere.