11 A Zeova kisa zãmb makdse,
la makdg sẽn zems noogda a sũuri.+
2 Wuk-m-meng sã n wa, paoogr n na n pʋgle,+
la yam bee ne sik-m-mens rãmba.+
3 Yaa nin-tɩrsã burkĩndã n wilgd-b sore,+
la zãmb dãmbã zãmb n na n sãam-ba.+
4 Paoong pa na n tall yõod sũ-puugr daar ye.+
La yaa tɩrlem n na n fãag ned ne kũum.+
5 Yaa ned sẽn pa tar taal tɩrlem n kɩtd t’a sor yaa tɩrga,
la nin-wẽng na n lʋɩɩ a mengã wẽnem yĩnga.+
6 Nin-tɩrsã tɩrlem n na n fãag-ba,+
la zãmb dãmbã tʋlsem n na n wẽneg n yõk-ba.+
7 Nin-wẽng sã n ki, a saagrã menemdame.
A sẽn tik a pãngã n gũud bũmb ninsã me na n menemame.+
8 B fãagda nin-tɩrg yel-pakr pʋgẽ,
tɩ nin-wẽng reeg a zĩiga.+
9 Sɩdã kɩɩsd goam wata ne neb a taab sãoongo,
la nin-tɩrsã paamda fãagr bãngr maasem yĩnga.+
10 Nin-tɩrsã sõmblem kɩtdame tɩ tẽng kɩdemd sũ-noogo,
la nin-wẽnsã sã n wa ki, na n yɩɩ sũ-noog kaasgo.+
11 Nin-tɩrsã barkã yĩnga, tẽng lebgda kãsenga,+
la nin-wẽnsã noy wãad-a lame.+
12 Ned ning fãa sẽn pa tar yam kisa a to,
la ned sẽn tar yam-vẽenem hakɩɩk sĩndeda a noore.+
13 Munaafɩɩk gilgdame n vẽnegd yel-solgdse,+
la ned b sẽn tõe n teeg pa vẽnegd yel-solgds ye.
14 Ned sẽn tar minim n tõe n wilg sor sã n kae, nebã namsdame,
la sagendb wʋsg maasem yĩnga, yɛlã yãkda nenga.+
15 Ned ning sẽn gom n sõng sãan t’a reeg samd na n paama zu-loeese,+
la ned ning sẽn gind kaool maaneg na n zĩnda bãane.
16 Pʋg-sõng paamda ziiri,+
la sẽn pa zoet-b nimbãanegã fãada arzɛgse.
17 Nin-sõng nafda a menga,+
la nin-toaag maandame tɩ zu-loees wat a meng zugu.+
18 Nin-wẽng paamda zãmb yaoodo,+
la sẽn bʋt-a tɩrlem paamda keoor hakɩɩka.+
19 Sẽn maand-a sẽn yaa tɩrg ne a sũur fãa bee vɩɩm sor zugu,+
la sẽn zoet n pʋgd-a wẽng bee kũum sor zugu.
20 A Zeova kisa neb nins sũy sẽn pid ne zãmbã,+
la neb nins sẽn tar manesem-sõngã noogda a sũuri.+
21 Ad bũmb y sẽn tõe n kɩs sɩd ne: Nin-wẽng pa na n põs sɩbgre,+
la nin-tɩrsã kamb na n põsame.
22 Pʋg-neer sẽn pa tar yam
yaa wa sãnem tʋb-long sẽn be kurkur yõorẽ.
23 Nin-tɩrsã raab wata ne sẽn yaa sõma,+
la nin-wẽnsã sẽn saagd n na n wa paam bũmb ningã wata ne sũ-puugri.
24 Nina kõta ne yamleoogo, n wa paam tɩ yɩɩg rẽ.+
Nina me tallda a sẽn segd n kõ wã, la a wat n baasa ne naongo.+
25 Ned sẽn yaa kõat yɛl na n yɩɩ sõma.+
Ned ning fãa sẽn kõt a taab koom me na n paamame tɩ b kõ-a koom.+
26 Nebã na n kãaba sẽn bĩngd-a kood wẽnga,
la b na n ninga sẽn koosd-a kood barka.
27 Sẽn baood-a ne a sũur fãa n na n maan neer baooda lohorem,+
la sẽn dat-a n maan wẽnga, yaa wẽng n na n wẽneg n wa a zugu.+
28 Sẽn teeg-a a arzɛgs na n lʋɩɩme,+
la nin-tɩrsã na n toba wa tɩɩg vãado.+
29 Sẽn wat-a ne zu-loees a zak rãmb zug pʋɩɩr na n yɩɩ sobgo.+
Yalem na n yɩɩ yam soab tʋm-tʋmda.
30 Nin-tɩrg tʋʋm biis yaa wa vɩɩm tɩɩga.+
Ned ning sẽn sõngd a taab tɩ b maand sõma yaa yam soaba.+
31 Nin-tɩrg sẽn be tẽngã zugã sã n paamda keoore,
nin-wẽng la yel-wẽn-maand kõn paam sɩbgr n yɩɩd sɩda?+