18 Sẽn lakd-a a meng ne a taab baooda sẽn noom yẽ bala.
A zãgsdame n pa tʋmd yam tʋʋm ye.
2 Yalem sũur pa noom baa bilf ne bãngr ye.
A sẽn dat yaa wilg sẽn be a sũurẽ wã bala.+
3 Nin-wẽng sã n wa, kisgr me watame.
Yãnd me tũuda paoogr n wa.+
4 Ninsaal noor goam yaa wa ko-zulumsi.+
Yam ko-bundgã zĩig yaa wa kʋɩlg koom sẽn zoet ne pãnga.
5 F sã n bak nin-wẽng n sõnge,+
wall f mong nin-tɩrg bʋʋm, pa sõma ye.+
6 Yalem goam wata ne zaba.+
A noorã kɩtdame tɩ neb a taabã rat n pãb-a.+
7 Yalem noor n wat ne a sãoongo.+
A no-bɩmsã yaa wa bẽdg sẽn bẽt a vɩɩmã.
8 Munaafɩɩk goam yaa wa rɩ-noodo,+
tɩ nebã vend-b tɩ salgd n sigd b pʋsẽ wã.+
9 Ned ning fãa sẽn maand kʋɩɩng a tʋʋmd pʋgẽ
yaa sẽn wat-a ne sãoong saam-biiga.+
10 A Zeova yʋʋrã yaa gasg sẽn tar pãnga.+
Nin-tɩrg zoet n kẽeda be, n paamd koglgo.+
11 Arzɛk soab paoong yaa a tẽng sẽn gũbg lalse.
A tagsdame tɩ paoong yaa wa lalg sẽn kogende.+
12 Ned sũur sã n pid ne wuk-m-menga, wata ne yel-beedo.+
Sik-m-meng n lʋɩt taoore, tɩ ziir yaool n pʋgle.+
13 Ned sã n leok yell wɛɛngẽ n pa reng n kelg n wʋm yɛlã vɩʋʋgo,
yaa yalemdo, la wat ne yãnde.+
14 Ned raood tõe n teel-a-la bãag pʋgẽ,+
la ãnda n tõe n tõog toog raood komsg taoore?+
15 Yaa yam soab n paamd bãngre.+
Yam soab kelgda sẽn na yɩl n paam bãngre.
16 Kũun ned sẽn kõt pakda sor n kõ-a.+
Kũunã sõngd-a lame t’a ta nin-kãsems taoore.
17 Sẽn yɩ-a pipi n togs a yell bʋʋd zĩigẽ wõnda a tara bʋʋm,+
hal t’a zabd-n-taagã wa sok-a sogsg sẽn na yɩl tɩ b bãng yɛlã sẽn sɩd yɩ to-to wã.+
18 B maanda bãnd n kɩtdẽ tɩ zabr sa.+
A welgda no-koeemd sẽn be zabd-n-taas sẽn tar pãng sʋka.
19 F sã n beeg f saam-biiga, a lebgda dem-dem ne-f n yɩɩd tẽng sẽn gũbg lalse.+
Zab kẽer n be n yaa wa tãn-soben-doog kʋɩleng sogdse.+
20 Ned goam maasem yĩnga, a pʋg na n pidame.+
A na n dɩɩ a noorã goam biis tɩ sek-a.
21 Zɩlemd tõe n kɩtame tɩ ned vɩɩmd wall a ki.+
Neb nins sẽn nong goamã na n dɩɩ b biisi.+
22 Ned ning sẽn paam pʋg-sõng paama bõn-sõngo.+
A paamda a Zeova lohorem.+
23 Naong soab sã n wa gomda a wẽeda kãntɩɩga,
la arzɛk soab leokda ne gom-kãse.
24 Tũud-n-taas n be tɩ b sẽn dat bal yaa sãam taaba,+
la zoa ning n be n nong-f n yɩɩd f ba-biiga.+