Yɩɩn-sõamyã sebre

Yɩɩlã taoor soab yĩnga. Maskɩlle.* A Davɩɩd yɩɩlle. Yɩɩ wakat ning Edom rao a Doɛɛg sẽn tɩ togs a Sayull t’a

Davɩɩd kẽnga a Ahimelɛk+ zakẽ wã.

 2 Fo zɩlemdã sẽn dɩt wa bargã+

magda mag-wẽnse, la a tʋmd zãmb tʋʋma.+

 3 Fo nonga wẽng n yɩɩd sẽn yaa sõma.

Fo nonga ziri yagb n yɩɩd f sẽn na n gomd sẽn yaa tɩrg yelle. (Sela)

 4 Foom a zɩlemd sẽn yaa zãmb soaba,

fo nonga gom-wẽng buud fãa!

 5 Yaa rẽ n kɩt tɩ Wẽnnaam na n lub foo vugr wakat fãa yĩngã.+

A na n gãda foo n vu n yiis f fu-roogẽ wã.+

A na n võoga foo n yiis nin-vɩɩsã soolmẽ.+ (Sela)

 6 Nin-tɩrsã na n yãa rẽ n yɛɛs wʋsgo,+

la b la-a n yeele:+

 7 “Ad ned sẽn pa kɩt tɩ Wẽnnaam yɩ a soondg zĩiga.*+

Yẽ ra teega a arzɛkã sẽn yaa wʋsgã,+

la a mag-wẽnsã.”

 8 La mam na n yɩɩ wa oliiv tɩ-bedr sẽn tar vãad wʋsg Wẽnnaam doogẽ wã.

Mam teega Wẽnnaam maan-neerã+ wakat sẽn kõn sa yĩnga.

 9 Mam na n pẽga yãmb wakat fãa yĩnga, bũmb nins yãmb sẽn maanã yĩnga.+

Sẽn maand-b sɩd ne yãmbã taoore,

mam na n teega yãmb yʋʋrã,+ bala a yaa sõma.