Yel-bũnã sebre

19 Fo sã n yaa naong soab n kẽnd ne burkĩndi,+

sãoo f sẽn na n yaa yalem la f yagd ziri.+

 2 Ned* sã n pa tar bãngre, pa sõma ye.+

Ned sã n yaa yãg-yãge,* a maanda yel-wẽnde.

 3 Yaa ninsaal yalemd n kɩtd t’a rɩk so-wẽnga,

t’a sũurã yaool n wa puud ne a Zeova.

 4 Arzɛk kɩtdame tɩ f paam zo-rãmb wʋsgo,

la baa naong soab zoa na n daag-a lame n base.+

 5 Zirẽ-be-kaset soab pa na n põs sɩbgr ye.+

Ned ning sẽn yagd ziri wakat fãa me pa na n põs ye.+

 6 Neb wʋsg baooda nin-kãseng* lohorem.

Nebã fãa yaa sẽn yaa-a kõat zoa.

 7 Naong soab ba-biis fãa kis-a lame.+

Woto wã, a zo-rãmbã kõn gind-a n yɩɩd sɩda?+

 9 Zirẽ-be-kaset soab pa na n põs sɩbgr ye.

Ned ning sẽn yagd ziri wakat fãa me na n sãamame.+

10 Yalem pa tog ne naar ye.

Sẽn yɩɩda, tʋm-tʋmd pa tog ne nanambs soogr ye.+

11 Sãmbg sẽn kae, ned sã n tar yam-vẽenem, kɩtdame t’a sũur pa yikd tao-tao ye.+

B sã n maan-a wẽng* t’a kõ sugri, kɩtdame t’a paam pẽgre.+

12 Rĩm sũ-puugr yaa wa gɩgemd kɛlenga,+

la a lohorem yaa wa meenem sẽn be tɩɩs la mood zutu.

13 Biig sẽn yaa yalem kõta a ba zu-loeese.+

Pag sẽn nong zab* yaa wa roog sẽn yũnd n pa yõkdẽ ye.+

14 Yaa ba n basd roog la paoong tɩ yɩ rogem-pʋɩɩre,

la yaa a Zeova n kõt rao pag sẽn tar yam.+

15 Kʋɩɩng wata ne gõeem wʋsgo.

Kom na n yõka ned* sẽn pa nong tʋʋma.+

16 Sẽn sakd-a noyã kogenda a vɩɩm.*+

Sẽn maand-a a toog kae ne a manesem na n kiime.+

17 Sẽn maand-a nimbãan-ned neer pengda a Zeova.+

A na n keo-a-la* bũmb ning a sẽn maandã yĩnga.+

18 Kibl f biig tɩ nan ket n tõe,+

t’a kũumã taal ra wa zĩnd f zug ye.+

19 Sũur soab na n yaoo beegr yaoodo.

F sã n bao n na n dok yaoodã a zugu, na n yɩɩ tɩlɛ tɩ f maan dẽ naoor wʋsgo.+

20 Kelg saglg la f sak kiblgu,+

sẽn na yɩl n yɩ yam soab beoog sẽn wate.+

21 Ninsaal magda bũmb wʋsg a sũurẽ,

la yaa a Zeova raabã* n na n yɩ.+

22 Bũmb f sẽn na n yã ninsaal nengẽ tɩ be yamleoog yaa a maan-neerã.+

F sẽn na n yaa naong soab n são f sẽn na n yaa zirẽ-be-neda.

23 Sẽn zoet-a a Zeova na n kell n vɩɩmdame.+

A na n gõee sõma, tɩ wẽng me pa paam-a ye.+

24 Kʋɩɩm tʋmda a nug rɩɩb laagẽ,

la a pa baood n na n yãk rɩɩbã n ning a noorẽ wã meng ye.+

25 Wẽ nin-yaanda,+ sẽn na yɩl tɩ sẽn pa tar-a minim lebg gũus-m-meng soaba.+

Rems sẽn tar-a bãngre, t’a bãngrã paase.+

26 Sẽn namsd-a a ba, la sẽn digd-a a ma

yaa biig sẽn wat ne yãnd la paoogre.+

27 M biiga, fo sã n bas n pa le sakd kiblgu,

fo na n zãaga ne yam goama.

28 Kaset soab sẽn ka võor pa nand tɩrlem ye.+

Nin-wẽng maanda sũ-noog ne sẽn yaa wẽng wa a sẽn dɩt rɩɩbo.+

29 B bĩnga sɩbgr nin-yaandbã yĩnga,+

la pãbr yalembã poay yĩnga.+