Yɩɩn-sõamyã sebre
Yɩɩlã taoor soab yĩnga. Yɩɩnda ne Gititi.* A Koore+ kom-dibli wã yɩɩlle.
84 Tãb-biis naab a Zeova,
ad yãmb sɛk-roogã sẽn yaa kãsengã sɩd bee rasãnde!+
Mam sũurã ne m yĩn-nemsã kaasda ne sũ-noogo, Wẽnnaam ning sẽn vɩ wã yĩnga.
3 Tãb-biis naab a Zeova
sẽn yaa mam Rĩm la m Wẽnnaam,
baa bõn-yɩgdg paamda roog yãmb tẽn-kug-kãsengã sɛɛga!
Sɩlaallã me tɩʋta tʋk a meng yĩnga,
n get a kambã yell be!
4 Sũ-noog rãmb la neb nins sẽn be yãmb roogẽ wã!+
B pẽgda yãmb+ wakat fãa. (Sela)
5 Sũ-noog rãmb la neb nins sẽn paamd b pãngã yãmb nengẽ wã.+
Bãmb sũyã sẽn dat yaa b be soay nins sẽn dabd yãmb roogẽ wã zutu.
6 Bãmb sã n wa pasgd Baka longã,*
b kɩtdame t’a lebg ko-bunds zĩiga.
Dẽenem saagã me kiigda bark wʋsg a zugu.*
7 B na n kẽndame tɩ b pãngã tar paasgo.+
B ned kam fãa wata Wẽnnaam taoor Siyõ.
8 Wẽnnaam a Zeova sẽn yaa tãb-biis naaba, kelg-y mam pʋʋsgã.
Zakoob Wẽnnaam, kelg-y-yã. (Sela)
10 Bala yãmb samanẽ wã daar-n-yɛng zĩndg n são rasem tusr zĩig a to!+
Mam yãka yam n na n yals mam Wẽnnaamã roog rignoorẽ,
n pa na n zĩnd nin-wẽnsã fu-rotẽ ye.
A Zeova pa na n mong
sẽn kẽnd-b ne burkĩndã+ bõn-sõng baa a yembr ye.
12 Tãb-biis naab a Zeova,
sũ-noog soab la ned ning sẽn teeg yãmbã.+